ՌԴ-ն ծրագրում է զբոսանավային երթեր գործարկել Մոսկվայի և Բաքվի միջև

Ռուսաստանը ծրագրում է առաջիկայում զբոսանավային հաղորդակցություն գործարկել Մոսկվայի և Բաքվի միջև, փոխանցում է ՏԱՍՍ-ը։

Լյուքս դասի զբոսանավով ճանապարհորդության տևողությունը կկազմի մոտ 14 օր՝ յուրաքանչյուր ուղղությամբ յոթական օր, հայտնել է Ադրբեջանում Ռուսաստանի առևտրային ներկայացուցիչ Ադամ Խակիմովը։

«Առաջիկայում մենք նախատեսում ենք գործարկել Մոսկվա-Բաքու զբոսանավը»,- ասել է Խակիմովը «Զվեզդա» հեռուստաալիքի եթերում։

Նրա խոսքով՝ նախագիծն իրականացվում է պետական աջակցությամբ, այդ թվում՝ Ռուսաստանի արդյունաբերության և առևտրի նախարարության սուբսիդիաների հաշվին։

«Ներկայումս մեկ նավն արդեն ամբողջությամբ պատրաստ է, ևս երկուսը կառուցման ավարտական փուլում են։ Հաջողության դեպքում հուսով ենք, որ այդ երկուսը ևս կնավարկեն դեպի Բաքու»,- նշել է առևտրային ներկայացուցիչը։

Այսպիսով, առաջին փուլում նախատեսվում է շահագործել մեկ զբոսանավ, իսկ երթուղու հաջող գործարկման դեպքում դրան կարող են միանալ ևս երկու նավ։ Զբոսանավային երթերի մեկնարկի հստակ ամսաթիվն առայժմ չի նշվում։

Այս թեմայով Նրանք, ովքեր uպառնում էին մեզ տանկերով գալ և oկուպացնել Բաքուն, այսօր ադրբեջանական թեյ են խմում ադրբեջանական բանտերում. Ալիև Այսօր երեկոյան Բաքվից օդանավ է ժամանելու Երևան Սեփական կոպտագույն սխալի հետևանքով Բաքվի բարբարոսական վարչախումբը չեղած տեղից բացել է ներքին դժգոհության «Պանդորայի արկղը». Ոսկանյան Լավրովը ժամանեց Բաքու Ադրբեջանում բողոքի ակցիաները չեն մարում․ ձերբակալվել է 37 մարդ, ցուցարարները մեքենա են այրել