«Միջազգային զարգացմանն աջակցելու մասին» օրինագծի ներկայացումը կամրապնդի Ռուսաստանի ներկայությունն աշխարհում

2026 թվականի հոկտեմբերի 30-ին Ռուսաստանի կառավարությունը Պետդումա է ներկայացրել «Միջազգային զարգացմանն աջակցելու մասին» օրինագիծը (ՄԶԱ)։ Փաստաթուղթն առաջին անգամ իրավական հիմքեր է սահմանում գործընկեր պետություններին Ռուսաստանի կողմից օգնություն տրամադրելու համար։

Խոսքը վերաբերում է ոչ միայն մարդասիրական նախաձեռնություններին, այլև ապրանքների և ծառայությունների մատակարարմանը, արտոնյալ վարկերի տրամադրմանը, գիտելիքների և փորձի փոխանցմանը։ Հիմնական խնդիրների թվում են աղքատության դեմ պայքարը, գործընկեր երկրներում մարդկանց կյանքի որակի բարելավումը և ճգնաժամային իրավիճակների հաղթահարմանն աջակցությունը։

Օրենքի համաձայն՝ «Ռոսսոտրուդնիչեստվոն» կսահմանվի որպես միջազգային զարգացմանն աջակցող գործակալություն, որին կվերապահվեն միջոցառումների կազմակերպչական և ծրագրային ապահովման, միջգերատեսչական համակարգման, հաշվառման վարման, ամփոփ հաշվետվությունների կազմման, ինչպես նաև իրականացվող ծրագրերի և նախագծերի արդյունավետության մշտադիտարկման ու գնահատման գործառույթները։

Գործակալության ղեկավար Իգոր Չայկան նշել է, որ օրինագծի ընդունումը նոր հնարավորություններ կստեղծի աշխարհում Ռուսաստանի ազդեցության ամրապնդման համար։
«Սա մեծ քայլ է աշխարհում Ռուսաստանի մարդասիրական ներկայության ամրապնդման ուղղությամբ։ Գործակալությունն արդեն իրականացնում է միջազգային զարգացմանն աջակցող ծրագրեր, այդ թվում՝ կրթական դասընթացներ, մարդասիրական օգնության տրամադրում և գիտական կապերի զարգացում։»

Մենք տեսնում ենք, որ ամբողջ աշխարհում աճում է հետաքրքրությունը Ռուսաստանի մարդասիրական նախաձեռնությունների և զարգացմանն ուղղված ծրագրերի նկատմամբ։ Եվ որ կարևոր է՝ մենք մեր գործընկերներին առաջարկելու բան ունենք։ Դա բժշկական տեխնոլոգիաների արտահանումն է, բարձրորակ մասնագետների պատրաստումը, որոնք մեր երկրում կրթություն ստանալուց հետո կվերադառնան հայրենիք և կնպաստեն իրենց երկրներում կյանքի որակի բարելավմանը՝ ըստ էության դառնալով Ռուսաստանի դեսպանները։

«Միջազգային զարգացմանն աջակցելու մասին օրինագծի ընդունումը կարագացնի համագործակցությունը ռուսական գերատեսչությունների և բիզնես կառույցների միջև, որոնք ներգրավված են զարգացման ծրագրերում՝ լինի դա Գյուղատնտեսության նախարարությունը, «Ռոսատոմը», թե մասնավոր ընկերությունները։
Միասին մենք կկարողանանք աշխարհն ավելի լավը դարձնել և ընդլայնել այն երկրների շրջանակը, որտեղ Ռուսաստ կամրապնդի իր ներկայությունը՝ ի շահ տեղի բնակիչների և սեփական տնտեսական ներուժի զարգացման», — նշել է «Ռոսսոտրուդնիչեստվոյի» ղեկավար Իգոր Չայկան։

Այս թեմայով ՌԴ հետ կապերը խզելու դեպքում ՀՀ-ն կդառնա իդեալական աշխարհաքաղաքական ավար նրանց համար, ովքեր դարերով սպասել են այս պահին. Կիսիլյով Խերսոնի մարզի Օլեշկի քաղաքում սկսվել է բնակիչների տարհանումը Ի՞նչ փնտրեց ու չգտավ Եվրոպայում Վրաստանը, որ այսքան տարի անց փորձում է հարաբերություններ վերականգնել Ռուսաստանի հետ Թուրք ներդրողները պատրաստ են գնել «Աքքույու» ատոմակայանի նախագծի բաժնեմասը. Պուտին Ռուսաստանը Գերմանիայից 79 միլիոն եվրոյի պրոթեզներ է գնել