Թուրք ներդրողները պատրաստ են գնել «Աքքույու» ատոմակայանի նախագծի բաժնեմասը. Պուտին

Ռուսաստանի նախագահ Վլադիմիր Պուտինը, «Ռուսաստան-Աֆրիկա» գագաթնաժողովի շրջանակում ցուցահանդեսի այցելության ժամանակ, հայտարարել է, որ Թուրք ներդրողները պատրաստ են գնել Թուրքիայում կառուցվող «Աքքույու» ատոմակայանի նախագծում «Ռոսատոմի» բաժնեմասի մի մասը։ Այս մասին հաղորդում է Ինտերֆաքսը։ 
«Այնտեղ ամբողջ ֆինանսավորումը մերն է՝ ամբողջ 25 միլիարդ դոլարը։ Դա 100 տոկոսով ռուսական ներդրում է։ Նախագիծն իրականացվում է բացառիկ պայմաններով․ մենք կառուցում ենք, շահագործում և տիրապետում ենք կայանին։ Սակայն այժմ Թուրքիայում հայտնվել են ընկերություններ, որոնք նույնպես ցանկանում են մասնակցել այս գործընթացին և պատրաստ են գնել բաժնեմասի մի մասը։ Մենք միայն ողջունում ենք դա»,- մասնավորապես ասել է ՌԴ նախագահը։ 
Նշենք, որ այն, որ «Ռոսատոմը» բանակցություններ է վարում Թուրքիայում «Աքքույու» ատոմակայանի կառուցման նախագծում իր 49% բաժնեմասը վաճառելու շուրջ, 2025 թվականին հայտնել էր «Աքքույու Նյուկլեար» ԲԲԸ-ի տնօրենների խորհրդի նախագահ Անտոն Դեդուսենկոն։ 
«Ռոսատոմում» հիշեցրել էին, որ նման հնարավորություն նախատեսված է նախագծի իրականացման վերաբերյալ 2010 թվականին կնքված միջկառավարական համաձայնագրով։ 

Հավելենք, որ 2026 թ. գարնանը ռուսական պետական կորպորացիայի գլխավոր տնօրեն Ալեքսեյ Լիխաչովը հայտնել էր, որ «Ռոսատոմը» մի շարք թուրքական ընկերությունների հետ բանակցություններ է վարում՝ նրանց «Աքքույու» ատոմակայանի նախագծի կանոնադրական կապիտալում ներգրավելու շուրջ։
 «Ներդրողների ներգրավման ուղղությամբ առաջընթաց կա»,- ասել էր նա Ռուսաստանի էներգետիկ շաբաթ-2026 համաժողովի շրջանակում լրագրողների հետ զրույցում։ 
Հավելենք, որ «Ռոսատոմը» Թուրքիայի Մերսին նահանգում կառուցում է երկրի առաջին՝ «Աքքույու» ատոմակայանը։ Ատոմակայանը բաղկացած կլինի չորս էներգաբլոկից, յուրաքանչյուրը՝ 1200 ՄՎտ հզորությամբ։ Առաջին էներգաբլոկի շահագործումը նախատեսվում է մինչև 2026 թվականի վերջը։

Այս թեմայով Ի՞նչ փնտրեց ու չգտավ Եվրոպայում Վրաստանը, որ այսքան տարի անց փորձում է հարաբերություններ վերականգնել Ռուսաստանի հետ Թուրքիան դեկտեմբերի 22-ին կհայտարարի Միջին միջանցքի երկաթուղային ծրագրի մրցույթ Ռուսաստանը Գերմանիայից 79 միլիոն եվրոյի պրոթեզներ է գնել Կարգավորման վերաբերյալ եռակողմ բանակցությունները կարող են տեղի ունենալ նոյեմբերի 10-ին. Զելինսկի Ուկրաինան հարվածել է Ռուսաստանի Տուլայի մարզում գտնվող խոշորագույն մետալուրգիական կոմբինատին և քիմիական գործարանին