Թուրքիան դեկտեմբերի 22-ին կհայտարարի Միջին միջանցքի երկաթուղային ծրագրի մրցույթ

Թուրքիան դեկտեմբերի 22-ին մրցույթ կհայտարարի երկրի արևելքում՝ Դիվրիգի-Կարս-Վրաստանի երկաթուղային գծի արդիականացման աշխատանքների համար։ Այս մասին հաղորդում է թուրքական DHA գործակալությունը։

Աղբյուրի տեղեկացմամբ, ծրագիրը նպատակ ունի ամրապնդել արևելք-արևմուտք երկաթուղային կապը և մեծացնել Միջին միջանցքի բեռնափոխադրումների հզորությունը։ Նշենք, որ Միջին միջանցքը Չինաստանը Եվրոպայի հետ կապող առևտրային երթուղի է, որն անցնում է Կենտրոնական Ասիայով, Կասպից ծովով և Հարավային Կովկասով՝ շրջանցելով Ռուսաստանը։ Ինչպես հաղորդում է թուրքական DHA գործակալությունը, Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտնել է, որ նախագիծը ներառում է երկաթուղու ենթակառուցվածքների վերականգնում, էլեկտրաֆիկացում և ազդանշանային համակարգերի արդիականացում։
Հավելենք, որ աշխատանքները կիրականացվեն չորս հատվածով՝ Դիվրիգի-Էրզինջան, Էրզինջան-Էրզրում, Էրզրում-Կարս և Կարս-Վրաստանի սահման։ Նախատեսվում է շինարարությունն ավարտել չորս տարում։ Նախագիծն իրականացվելու է Համաշխարհային բանկի, Ասիական ենթակառուցվածքային ներդրումային բանկի և Իսլամական զարգացման բանկի ֆինանսավորմամբ։

Այս թեմայով Թուրք ներդրողները պատրաստ են գնել «Աքքույու» ատոմակայանի նախագծի բաժնեմասը. Պուտին Թուրքիայի նախագահի խորհրդական Օքթայ Սարալը հեռացվել է պաշտոնից Թուրքիան հայտարարել է Հայաստանի հետ սահմանին գտնվող պատմական կամրջի վերականգնման մրցույթի ավարտի մասին Թուրքիան կպահպանի իր ռազմական ներկայությունը Սիրիայում և Իրաքում Թուրքիայի նախագահ Ռեջեփ Թայիփ Էրդողանը շնորհավորել է Ադրբեջանին Անկախության վերականգնման օրվա առթիվ