Խաչատրյանի մոտ պառկելախոցեր կան առաջին փուլում գտնվող. Սարգսյան

Գագիկ Խաչատրյանի կալանավորումը ևս երկու ամսով երկարացնելու միջնորդություն է ներկայացվել։ Այսօր այս մասին դատարանի բակում հայտարարել է փաստաբան Երեմ Սարգսյանը։

Ինչ վերաբերում է Խաչատրյանի առողջական վիճակին, ապա 2026-ի սեպտեմբերի 2-ից սկսած, ինչ Խաչատրյանը գտնվում է ՔԿՀ-ում, փաստաբանի խոսքով, նույնիսկ 1 անգամ ոտքի չի կանգնել։
«Ինքնուրույն կանգնելու հնարավորություն չունի, իսկ այնտեղ որևէ մեկն այդ գործողությունները չի կատարում։ Յուրաքանչյուրը, որը մի փոքր հասկանում է այս բժշկական հարցերից, տեղյակ է, որ ողնաշարի նման խնդիրներ ունեցող անձինք, երբ երկարատև պառկած են լինում, լրացուցիչ խնդիրներ են առաջանում՝ թոքաբորբ, պառկելախոցեր։ Խաչատրյանի մոտ արդեն իսկ պառկելախոցեր կան առաջին փուլում գտնվող, թոքաբորբն էլ կարող է հաստատվել համապատասխան հետազոտություններով ու կանխելու համար համապատասխան բժիշկը, երբ այցելել է ՔԿՀ, ցուցումներ է տվել, որ կանխելու համնար այդ գործողությունները պարտադիր կատարվեն։ Մենք դրանից հետո դիմել ենք «Քրեակատարողական բժշկության կենտրոն» ՊՈԱԿ-ին, որ տեղափոխեն։ Ընդ որում՝ մենք առաջին օրվանից ենք դիմել, սեպտեմբերի 2-ին։ Մինչև հիմա որևէ անգամ բուժման չի տեղափոխվել»,-իր խոսքում նշել է Խաչատրյանի փաստաբանը։

Այս թեմայով Հայաստանի երկրորդ նախագահ Ռոբերտ Քոչարյանի կալանքի ժամկետը երկարացնելու միջնորդության վերաբերյալ որոշումը դեռ չի հրապարակվել Հակոռուպցիոն կոմիտեն նոր մեղադրանք է առաջադրել Գյումրիի քաղաքապետ Վարդան Ղուկասյանի նկատմամբ Սասուն Խաչատրյանը կանաչ տարածքի հաշվին երկհարկանի շինություն է կառուցել. Hetq.am Ոչ թե Գագիկ Ծառուկյանն է խարդախությnւն կատարել, այլ, որ որպես տուժnղ ներկայացվող Իրանի քաղաքացիները նրանից առնվազն 14․5 միլիոն դոլար են հափշտшկել. Երեմ Սարգսյան (տեսանյութ) Բագրատ Սրբազանն իր փաստաբանների հարսանեկան քավոր