Իրանի դեմ «կարճատև, բայց ինտենսիվ ռազմական արշավ» իրականացնելու մասին ԱՄՆ-ը զգուշացրել է Պարսից ծոցի երկրներին

The Wall Street Journal-ի աղբյուրների համաձայն՝ ԱՄՆ-ը դիվանագիտական և ռազմական խողովակներով Պարսից ծոցի արաբական երկրներին նախազգուշացրել է, որ նրանք պետք է պատրաստ լինեն «կարճատև, բայց ինտենսիվ ռազմական արշավի», որը տեղի կունենա նոյեմբերի 3-ին նախատեսված ԱՄՆ միջանկյալ ընտրություններից հետո։
Աղբյուրի փոխանցմամբ, ամերիկացի զինվորականները Տեխասից տարածաշրջան են տեղափոխում «Patriot» զենիթահրթիռային համակարգը, ինչպես նաև համալրում են այնտեղ զինամթերքի պաշարները։
Ըստ աղբյուրի, Թրամփին մոտ կանգնած աղբյուրները պնդում են, որ ԱՄՆ նախագահը դեռ վերջնական որոշում չի կայացրել, սակայն հակված է Իրանի դեմ լայնածավալ հարձակման տարբերակին։

Հիշեցնենք, ԱՄՆ-ում միջանկյալ ընտրությունները տեղի կունենան նոյեմբերի 3-ին, և դրանց արդյունքներով հանրապետականները կարող են կորցնել Կոնգրեսում մեծամասնությունը։ Հոկտեմբերի սկզբին Թրամփը հայտարարել էր, որ ԱՄՆ-ը մինչև միջանկյալ ընտրությունները չի հարձակվի Իրանի վրա, քանի որ կողմերը վարում են «արդյունավետ բանակցություններ»։ Մի քանի օր անց նա հայտարարել էր, որ Իրանում բանակցելու համար ոչ ոք չկա։ «Հնարավոր է՝ մենք չափազանց հեռուն ենք գնացել Իրանի առաջնորդների հետ, որովհետև այլևս չենք հասկանում, թե ում հետ գործ ունենք»,- ասել էր նա։