Ռուսաստանի և Իրանի միջև ապրանքաշրջանառությունն աճել է, իսկ Բուշերի ատոմակայանի կառուցման աշխատանքները շարունակվում են. Պուտին

ՌԴ նախագահ Վլադիմիր Պուտինը Կրեմլում բանակցություններ է վարում Իրանի նախագահ Մասուդ Փեզեշքիանի հետ։ Այս մասին հաղորդում է ՏԱՍՍ-ի թղթակիցը։

Ռուսաստանի նախագահ Վլադիմիր Պուտինը, Կրեմլում Իրանի նախագահ Մասուդ Փեզեշքիանի հետ հանդիպման ժամանակ հայտարարել է, որ Ռուսաստանի և Իրանի միջև ապրանքաշրջանառությունն աճել է, իսկ Բուշերի ատոմակայանի կառուցման աշխատանքները շարունակվում են։

Աղբյուրի հաղորդմամբ, ըստ Պուտինի, Ռուսաստանը կատարում է Իրանում իրականացվող նախագծերի շրջանակում ստանձնած բոլոր պարտավորությունները։

Նշենք նաև, որ երկու երկրների առաջնորդները առանձնազրույց են ունեցել Մերձավոր Արևելքում տիրող իրավիճակի շուրջ։ Պուտինը նշել է, որ տարածաշրջանում ստեղծված իրադրությունը մտահոգություն է առաջացնում, և Ռուսաստանը հույս ունի, որ զարգացումները դրական ընթացք կունենան։
Փեզեշքիանը Պուտինի հետ հանդիպմանը հայտարարել է, որ Իրանը, Ռուսաստանը և տարածաշրջանային մյուս երկրները կարող են համատեղ լուծել տարածաշրջանի բոլոր հարցերն առանց ԱՄՆ-ի միջամտության։

Աղբյուրի տեղեկացմամբ, Իրանի Իսլամական Հանրապետության նախագահը նաև հայտարարել է, որ Մերձավոր Արևելքի խնդիրների կարգավորման հարցում չպետք է հույսը դնել ԱՄՆ-ի վրա:

Հավելնք, որ հանդիպման շրջանակներում Փեզեշքիանը նշել է, որ Մերձավոր Արևելքում խնդիրների կարգավորման հարցում ԱՄՆ-ի վրա հույս դնել պետք չէ։