Քարտեզագրական, իրավական և պայմանագրային երաշխիք. եթե այս ամենը չարվի, ԹՐԻՓՓ-ի վավերացումը ԱԺ-ում կդառնա հերթական ծանր հարվածը մեր ինքնիշխանությանը. Զուրաբյան

Քարտեզագրական, իրավական և պայմանագրային երաշխիք. եթե այս ամենը չարվի, TRIPP-ի վավերացումը ԱԺ-ում կդառնա այս իշխանությունների կողմից հերթական ծանր հարվածը մեր ինքնիշխանությանը: Այս մասին գրել է ՀԱԿ փոխնախագահ Լևոն Զուրաբյանը:

«TRIPP պայմանագիրը կարելի է վավերացնել միայն այն բանից հետո, երբ ՀՀ կառավարությունը ներկայացնի երեք երաշխիք.

1. Քարտեզագրական երաշխիք՝ արդյոք TRIPP-ի բացառիկ տարածքները կարող են ընդգրկել անկախ Հայաստան–Իրան երկաթուղու համար անհրաժեշտ հողատարածքներ։

2. Իրավական երաշխիք՝ Հայաստանի իրավունքը կառուցելու Գագարին–Ագարակ–Իրան կամ այլ ուղիղ երկաթուղային գիծ՝ առանց TDC-ի կամ ԱՄՆ-ի համաձայնության։

3. Պայմանագրային երաշխիք՝ այդ իրավունքի հստակ ամրագրում TDC-ի կանոնադրության, բաժնետերերի համաձայնագրի և հետագա կոնցեսիոն պայմանագրերի մեջ։

Եթե այս ամենը չարվի, TRIPP-ի վավերացումը Ազգային Ժողովում կդառնա այս իշխանությունների կողմից հերթական ծանր հարվածը մեր ինքնիշխանությանը:

Կոչ եմ անում խորհրդարանական ընդդիմությանը բարձրացնել այս հարցերը խորհրդարանում»,- նշել է նա:

Այս թեմայով ԹՐԻՓՓ նախագիծը կարող է գործարկվել նաև մինչև Հայաստանի և Ադրբեջանի միջև խաղաղության պայմանագրի ստորագրումը. Արարատ Միրզոյան Այսօրվանից կմեկնարկեն «ԹՐԻՓՓ»-ի նախագծման աշխատանքները TRIPP-ով զինամթերք չի փոխադրվի, նման ըմբռնում կա նաև Ադրբեջանի մոտ․ Միրզոյան ԱԺ արտաքին հարաբերությունների մշտական հանձնաժողովը դրական եզրակացություն տվեց «ԹՐԻՓՓ» նախագծին Առանց ՀՀ-ի համաձայնության ԱՄՆ-ն չի կարող որոշել իր բաժնեմասերի թեկուզ մեկ տոկոսը նվիրել որևէ երկրի կամ անհատի. Միրզոյանը՝ TRIPP-ի մասին