Ֆրանսիայում շաբաթ օրը կայանալիք ցույցերը կարող են «վտանգավոր» դառնալ. Մակրոն

Ֆրանսիայի նախագահ Էմանուել Մակրոնը հայտարարել է, որ վարչապետ Սեբաստիան Լըկորնյուն կհայտարարի «կտրուկ միջոցառումների» մասին՝ երկրում բողոքի ցույցերը մեղմելու նպատակով։ Այս մասին հաղորդում է France 24-ը։

«Ես նաև կառավարությանը հանձնարարել եմ արձագանքել այն օրինական պահանջներին, որոնք ընկած են այս սոցիալական շարժման հիմքում»,- աղբյուրի հաղորդմամբ Մարսելում լրագրողների հետ զրույցում ասել է նա։ Մակրոնը միաժամանակ նախազգուշացրել է, որ այս շաբաթավերջին բողոքի ցույցերի նոր ալիքը կարող է «վտանգավոր» դառնալ՝ հավելելով, որ հասարակական կարգը պահպանելու նպատակով ցույցերի երթուղիները կշարունակեն անցնել քաղաքների կենտրոններից դուրս։ «Հաջորդ շաբաթ օրը նույնպես, ըստ սպասումների, վտանգավոր օր կլինի»,- ասել է նա։

Կառավարության տվյալներով՝ ամբողջ երկրում ցույցերին մասնակցել է 410 հազար մարդ, մինչդեռ CGT արհմիությունը, որը կազմակերպել էր արտոնված ցույցերը, մասնակիցների թիվը գրեթե երկու անգամ ավելի է գնահատել։

Այս թեմայով Ֆրանսիայում փողոց է դուրս եկել ռեկորդային՝ 800 հազար մարդ ՀՀ-ն իր համերաշխությունն է հայտնում Ֆրանսիային՝ ռաuիզմի և ատելnւթյան բոլոր ձևերի դեմ պայքարում․ Փաշինյան Իշխանությունները թույլ չեն տա արմատական խմբերին շարժվել դեպի Ելիսեյան պալատ կամ Մատինյոն. Լըկորնյու Ֆրանսիայում Լիմոժի քաղաքապետարանի հրդեհումը կարող են ճանաչել աhաբեկչnւթյnւն Ֆրանսիայում հայտնել են բողոքի ցույցերի մեկնարկից ի վեր թալանված խանութների թիվը