Նախկին «Օպերա ակումբի» տարածքում այսուհետ կգործի Թատրոնի փոքր համերգասրահ. ՀՀ ԿԳՄՍՆ

Ալեքսանդր Սպենդիարյանի անվան օպերայի և բալետի ազգային ակադեմիական թատրոնում ստեղծվում է մշակութային նոր հարթակ։ Այս մասին հաղորդում են ՀՀ ԿԳՄՍ նախարարությունից։  

Աղբյուրի տեղեկացմամբ, նախկին «Օպերա ակումբի» տարածքում այսուհետ կգործի Թատրոնի փոքր համերգասրահը։ Հայ մեծանուն կոմպոզիտոր Ալեքսանդր Սպենդիարյանի ծննդյան 155-ամյակի օրը` նոյեմբերի 1-ին,  կլինի համերգասրահի խորհրդանշական բացման արարողությունը
Իրադարձությանն ընդառաջ, Օպերային թատրոնում տեղի  է  ունեցել մամուլի ասուլիս, որին մասնակցել են ԿԳՄՍ նախարարի տեղակալ Տիգրան Վիրաբյանը և  Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն Կարեն Դուրգարյանը:

Հանդիպման ժամանակ  ներկայացվել են նոր համերգասրահի ստեղծման նախաձեռնությունը, գործունեության հիմնական ուղղություններն ու առաջիկա ծրագրերը։
Նախարարի տեղակալ Տիգրան Վիրաբյանն ընդգծել է, որ պետության ջանքերի շնորհիվ Օպերայի տարածքում գործող նախկին «Օպերա ակումբի»  տարածքը վերադարձվել է Օպերայի և բալետի ազգային ակադեմիական թատրոնին։ Տարածքում գործելու է համերգային հարթակ՝ բացառապես ստեղծագործական նպատակների իրականացման համար։ 

Աղբյուրի հաղորդմամբ, նորաբաց համերգասրահը նախատեսված է կամերային համերգների, մանկական օպերային և բալետային ներկայացումների, ինչպես նաև մշակութային բազմաբնույթ միջոցառումների համար՝ դառնալով արվեստի և հանդիսատեսի հանդիպման նոր հարթակ։

Այս թեմայով Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգևոր միասնության խորհրդանիշ խաչքար