Տարակուսանքով ենք ընկալել «իվանների» հիշատակումը. ՌԴ դեսպանատան հայտարարությունը

ՀՀ-ում Ռուսաստանի Դաշնության դեսպանությունը կոշտ մեկնաբանությամբ է հանդես եկել Շիրակի մարզպետ Առուշանյանի՝ սոցիալական ցանցում կատարած գրառման վերաբերյալ։
Ամբողջական գրառումը ներկայացնում ենք ստորև.
«Տարակուսանքով ենք ընկալել 2026 թվականի հոկտեմբերի 17-ին Շիրակի մարզպետ Դ. Վ. Առուշանյանի՝ «Ֆեյսբուք» սոցիալական ցանցի անձնական էջում կատարած գրառման մեջ տեղ գտած որոշ «իվանների» հիշատակումը, որն ակամայից հիշեցնում է Հայրենական մեծ պատերազմի ժամանակաշրջանի գերմանացի նացիստների բառապաշարը։
Չենք ցանկանում մտածել, որ այն տարածաշրջանը ղեկավարող պաշտոնատար անձը, որտեղ ծառայություն են իրականացնում Ռուսաստանի 102-րդ ռազմաբազան և ռուս սահմանապահները, թույլատրելի է համարում հրապարակային այնպիսի արտահայտություններ, որոնք կարող են ազգային թշնամանք հրահրել ռուսների նկատմամբ։ Դա արմատապես հակասում է մեր երկրների ժողովուրդների միջև բազմադարյա բարեկամության ոգուն»,- մասնավորապես նշված է դիվանագիտական ներկայացուցչության մեկնաբանության մեջ։

Այս թեմայով ԱՄՆ դեսպանատունը զգուշացնում է Դեռևս տասնյակ հազարավոր արցախցիներ շարունակում են բախվել քաղաքական, սոցիալական, տնտեսական և իրավական լրջագույն խնդիրների. հայտարարություն Իսկ հիմա տեսեք քաղաքական հետապնդումը. Փաշինյան ՀՀ Կառավարության որոշումը խախտում է միջազգային արբիտրաժի որոշումը. «Տաշիր Կապիտալ» Բոլորի համար արդեն պարզ է, որ այս քրեական գործում իրական տուժողը հենց Գագիկ Ծառուկյանն է, և հենց նրա նկատմամբ է խարդախություն կատարվել. ԲՀԿ