Հայաստանում երկու տարբեր իրականություն կա՝ իշխանության ներկայացրածը և քաղաքացիների առօրյան. Վարդանյան

Այսօր ԱԺ ամբիոնից «Հայաստան» խմբակցության պատգամավոր Աղվան Վարդանյանը քննադատելով ՀՀ իշխանության քաղաքականությունը` հայտարարել է, որ Հայաստանում երկու տարբեր իրականություն կա՝ իշխանության ներկայացրածը և քաղաքացիների առօրյան։
Ըստ Վարդանյանի, իշխանությունը խոսում է տնտեսական աճից, ամրապնդվող անվտանգությունից և անկախ արդարադատությունից, մինչդեռ քաղաքացիները բախվում են թանկացումներին, սոցիալական դժվարություններին ու անորոշությանը։ ։

Իր խոսքում անդրադառնալով խաղաղության օրակարգին՝ Վարդանյանը շեշտել է, որ խաղաղությունը որևէ քաղաքական ուժի մենաշնորհը չէ և քաղաքացիներն իրավունք ունեն իմանալու՝ իշխանությունը երկիրը տանում է կայուն խաղաղության, թե հերթական զիջումների։

Կասկածի տակ է դրելով դատական համակարգի անկախությունը՝ Վարդանյանն անդրադառձել է ընդդիմադիր գործիչների նկատմամբ քրեական հետապնդումներին։ Նա իշխանությանը մեղադրել է ձախողումների պատասխանատվությունից խուսափելու և դրանք նախկինների ու ընդդիմության վրա բարդելու մեջ։

Անդրադառնալով պաշտոնյաների բարձր աշխատավարձերի ու պարգևավճարների և քաղաքացիների սոցիալական վիճակի հակադրությունը՝ Վարդանյանը նշել է, որ պետության արդյունավետությունը պետք է չափվի մարդկանց կյանքի իրական բարելավմամբ։