Իրանի հետ պատերազմը «շուտով կավարտվի». Թրամփ

ԱՄՆ նախագահ Դոնալդ Թրամփը հայտարարել է, որ Իրանի հետ պատերազմը «շուտով կավարտվի»։ Այս մասին հաղորդում է CBS News-ը։ Աղբյուրի փոխանցմամբ, նոյեմբերի 3-ին կայանալիք միջանկյալ ընտրություններից առաջ Կանզաս Սիթիի KCMO ռադիոկայանին տված հարցազրույցում նա ասել է, որ «պատերազմը շուտով կավարտվի»՝ առանց մանրամասնելու, թե ինչպես։ «Մեզ անհրաժեշտ է երաշխիք, որ միջուկային զենք երբեք չի լինի»,- նշել է նա։
CBS News-ը փոխանցմամբ, ուրբաթ Կատարի միջնորդները գտնվել են Թեհրանում՝ փոխանցելու Իրանի հետ ԱՄՆ պատերազմի ավարտի վերաբերյալ առաջարկի նախագծում կատարված վերջին փոփոխությունները։
Ըստ աղբյուրի, բանակցություններում առաջընթացի որոշակի նշաններ կան։ Կատարի միջնորդները առաջարկի նախագիծը ներկայացրել էին նախորդ կիրակի, իսկ Իրանի պատասխանը սպասվում է մինչև հանգստյան օրերը։ Առաջարկի նպատակն է՝ կանխել Իրանի դեմ ԱՄՆ ռազմական գործողությունների վերսկսումը, ինչով նախագահ Դոնալդ Թրամփը վերջին շաբաթների ընթացքում բազմիցս սպառնացել է։