Կաթնաշոռի շուկայում լուրջ խնդիրներ են արձանագրվել․ աղիքային ցուպիկ, խմորասնկեր, բորբոսասնկեր

Կաթնաշոռի շուկայում լուրջ խնդիրներ են արձանագրվել․ լաբորատոր փորձաքննությամբ մի շարք արտադրողների մոտ խախտումներ են հայտնաբերվել ոչ միայն աղիքային ցուպիկի, այլև խմորասնկերի, բորբոսասնկերի և կաթնաթթվային մանրէների ցուցանիշներով։ Այս մասին լրագրողների հետ հանդիպմանն ասաց «Իրազեկ և պաշտպանված սպառող» ՀԿ նախագահ Բաբկեն Պիպոյանը՝ ներկայացնելով կաթնամթերքի շուկայում լաբորատոր հետազոտությունների արդյունքները։

Բաբկեն Պիպոյանի ներկայացմամբ՝ աղիքային ցուպիկի խմբի մանրէների ցուցանիշով շեղումներ են հայտնաբերվել «Անի», «Մարիաննա», «Աշտարակ կաթ», «Երեմյան», «Միլկին», «Բոնիլատ», «Բիոկաթ», «Չանախ» և «Արզնի կաթ» ընկերությունների արտադրած կաթնաշոռերում։

Խմորասնկերի և բորբոսասնկերի ցուցանիշներով խախտումներ են արձանագրվել «Բոնիլատ», «Թամարա-Անի», «Արզնի կաթ», «Չանախ», «Բիոկաթ» և «Մարիլա» ընկերությունների կաթնաշոռերում։

Կաթնաթթվային մանրէների քանակը սահմանված ցուցանիշից պակաս է եղել «Մարիաննա», «Չանախ», «Մարիլա» և «Միլկին» ընկերությունների արտադրանքում։

Այս թեմայով Արդուկը միացնես կամ սառնարանը բացես՝ ավետում են, որ ԵՄ–ն իր շուկան գրեթե ամբողջությամբ «մերկացրել» է ՀՀ արտահանումների համար. Հակոբ Բադալյան Փարիզում այրվել է 1615 թվականին հիմնադրված ամենահին սննդի շուկան ՀՀ դեսպանն ու Ֆրանս-Հայկական առևտրաարդյունաբերական պալատի (CCIFA) նախագահը քննարկել են արտահանման խթանումը Սահմանափակումները էականորեն դժվարացնում են ԵԱՏՄ ընդհանուր շուկայի լիարժեք գործունեությունը. Փաշինյան 54-ից ըմպելիքից միայն 2-ում խախտումներ չեն հայտնաբերվել․ ՍԱՏՄ