Հայտնի է Իսրայելում խորհրդարանական ընտրությունների հաղթողը

Իսրայելում ավարտվել է հոկտեմբերի 27-ին կայացած խորհրդարանական ընտրությունների քվեաթերթիկների հաշվարկը։

Ըստ արդյունքների, վարչապետ Բենիամին Նեթանյահուի «Լիկուդ» կուսակցությունը ստացել է Քնեսեթի 120 մանդատից 27-ը՝ զբաղեցնելով առաջին տեղը։ Սակայն Նեթանյահուի գլխավորած դաշինքը հավաքել է ընդամենը 53 մանդատ՝ չապահովելով կառավարություն ձևավորելու համար անհրաժեշտ 61 ձայնը։

Արդյունքների համաձայն երկրորդ տեղում Գադի Այզենկոտի գլխավորած ընդդիմադիր «Յաշար» կուսակցությունն է՝ 21 մանդատով։ Ընդդիմադիր ուժերը միասին ստացել են 48, իսկ արաբական կուսակցությունները՝ 19 մանդատ։

Նշենք, որ ընտրությունների վերջնական արդյունքները նախատեսվում է հրապարակել մինչև նոյեմբերի 4-ը՝ բողոքների ուսումնասիրությունից հետո։

Այնուհետև նախագահ Իսահակ Հերցոգը խորհրդակցություններ կանցկացնի խորհրդարանական ուժերի հետ՝ որոշելու, թե ում հանձնարարել նոր կառավարության ձևավորումը։