Երեք նավթատար լցանավ է պայթել և հրդեհվել ծովային ականներին բախվելուց հետո

Երեք նավթատար լցանավ է պայթել և հրդեհվել ծովային ականներին բախվելուց հետո։ Այս մասին հայտնել է Իրանի Իսլամական հեղափոխության պահապանների կորպուսը։
Ըստ CBS News-ի, նավերը փորձում էին անցնել Հորմուզի նեղուցով՝ այն երթուղով, որը կորպուսը բնութագրել է որպես «չարտոնված հարավային ուղի»։
Նշենք, որ ԻՀՊԿ ռազմածովային ուժերի հասարակայնության հետ կապերի վարչության հայտարարության համաձայն՝ միջադեպերը տեղի են ունեցել վերջին 24 ժամվա ընթացքում։ Դրանից հետո նավերը մնացել են նեղուցի հարավային ափերի մոտ: ԱՄՆ-ն խրախուսել է նավագնացներին՝ օգտագործել հարավային նավագնացության ուղին կենսականորեն կարևոր ջրային ուղու միջով, որը նախագահ Թրամփն օգոստոսի վերջին հայտարարել էր ականազերծված։
Հավելենք, որ Իրանը պնդում է, որ նավերը կարող են նեղուցով անցնել միայն այն երթուղիներով, որոնք իր կողմից վերահսկվում են նեղուցի հյուսիսային ափին ավելի մոտ՝ Իրանի իշխանությունների հետ համակարգված։ «Այս նավթատար լցանավերն անջատել էին իրենց ռադարային և նավիգացիոն համակարգերը։ Արհամարհելով ԻՀՊԿ ռազմածովային ուժերի նախազգուշացումները՝ լցանավերը փորձում էին դուրս գալ Հորմուզի նեղուցից՝ չարտոնված հարավային երթուղով, երբ բախվել են ծովային ականներին և պայթել»,-հայտարարել է ԻՀՊԿ-ն։