Ավելի քան 220 հազար դոլարի ոսկու ապօրինի տեղափոխման փորձ է կանխվել հայ-վրացական սահմանին

Հայաստանից Վրաստան ապօրինի փորձել են տեղափոխել ավելի քան 220 հազար դոլարի ոսկու ձուլակտորներ։
Այս մասին հոկտեմբերի 29-ին հայտնել է Վրաստանի ֆինանսների նախարարության եկամուտների ծառայությունը։
Այղբյուրի հաղորդմամբ, հայ-վրացական սահմանին՝ Սադախլոյի անցակետում, ձերբակալվել է օտարերկրյա քաղաքացի, որը փորձել է Հայաստանից Վրաստան ապօրինի տեղափոխել 1,7 կիլոգրամ ոսկու ձուլակտորներ՝ ավելի քան 220 հազար դոլար արժողությամբ։

Ըստ աղբյուրի, փորձագիտական գնահատման համաձայն՝ չհայտարարագրված թանկարժեք մետաղի ընդհանուր մաքսային արժեքը կազմել է 576 585 վրացական լարի՝ մոտ 225 հազար ԱՄՆ դոլար։
Նշենք, որ դեպքի առնչությամբ կազմված նյութերը փոխանցվել են Վրաստանի ֆինանսների նախարարության քննչական ծառայությանը՝ հետագա քննություն իրականացնելու և համապատասխան իրավական միջոցներ ձեռնարկելու նպատակով։

Այս թեմայով Երկուսն էլ խոսում են ջախջախելու մասին. «Փաստ» Ֆրանսիայում ՀՀ դեսպան Արման Խաչատրյանը հանդիպել է Լուվրի թանգարանի նախագահ-տնօրեն Քրիստոֆ Լերիբոյի հետ Նիդերլանդների Թագավորության արտաքին գործերի նախարար Թոմ Բերենդսենը ժամանել է Հայաստան Հրաչյա Աճառյանի ծննդյան 150 և Երևանի Հանրապետության հրապարակի 100-ամյակները կնշվեն Փարիզում Իշխանություններին այս ընդդիմությունը «ձեռք չի տալիս». Աբրահամյան