Իշխանամետ բլոգերի ոտքին «բրասլետ» են հագցրել

Հոկտեմբերի 28-ին, ՀՀ քննչական կոմիտեն միջնորդություն է ներկայացրել Երևան քաղաքի ընդհանուր իրավասության քրեական դատարանի, որպեսզի դատարանը որպես խափանման միջոց երկամսյա կալանքի որոշում կայացնի Իջևան քաղաքում հաշվառված 21-ամյա Գեորգի Թարջումանյանի, ով ավելի հայտնի է բլոգեր «Գեորգիքս»-ի նկատմամբ։ Սակայն դատավոր Վահագն Մելիքյանը մերժել է քննիչի միջնորդությունը և խափանման միջոց է ընտրվել վարչական հսկողությունը։ Նրա տեղաշարժի ազատությունն է սահմանափակվել։ Այս մասին տեղեկացնում է Hraparak.am-ը։

Ըստ աղբյուրի, Գեորգի Թարջումանյանը տեղեկացրել է, որ խափանման միջոց է ընտրվել վարչական հսկողությունը. «Մինչև ժամը ութն ազատ իմ գործերով եմ զբաղվելու, նկարահանումներ և այլն, բայց ժամը 8-ին պետք է պարտադիր տանը լինեմ: Դե բոլորս էլ օրենքի առաջ հավասար ենք, ես էլ, Դուք էլ», - ասել է բլոգերը:

Նրա խոսքով` դատարանը որպես խափանման միջոց է ընտրել վարչական հսկողությունը երեք ամսով. «Ինձ ձերբակալել էին, հետո դատարանը որոշում կայացրեց: «Բրասլետը» դեռ չեմ ստացել, երկու օրից հավանաբար կստանամ, ասացին՝ քանակը քիչ է: Գործը վերաբերում է վարորդական չունենալուն, բայց ես արդեն դիմել եմ այն ստանալու համար: Երկար ժամանակ է ես մեքենա չեմ վարում, վարորդս է վարում»:

Հավելենք,որ ավելի վաղ տեղեկացրել էինք, որ  իշխանական բլոգերը մի քանի անգամ բռնվել էր՝ առանց վարորդականի մեքենա վարելիս, ինչը համացանցում աղմուկ էր բարձրացել, որ ընդդիմադիրներին մի չնչին խախտման համար կալանավարում են ամիսներով, իսկ այս իշխանական բլոգերը, փաստորեն, արտոնյալ է՝ նրան չեն պատժում։ Փաստորեն, ինչպես ասում են,սայլը տեղից շարժվել է և աղմուկն իր արդյունքը տվել է. թեթև սահմանափակում են մցրել բլոգերի տեղաշարժի գործում։

Այս թեմայով Haydalek-ը դադարեցնում է իր գործունեությունը որպես բլոգեր