Ալիևը չի կարող որոշել մեր Սահմանադրությունը, մենք խաղալիք չենք. Նարեկ Կարապետյան

Հայաստանը վերջին հինգ տարում միայն զիջում է ու այնքան է զիջում, որ Ադրբեջանը հասկացել է՝ ինչքան ձգի խաղաղության պայմանագիրը, այնքան շատ բան կվերցնի մեզնից, լրագրողների հետ զրույցում ասաց ԱԺ «Ուժեղ Հայաստան» խմբակցության ղեկավար Նարեկ Կարապետյանը։

Խոսելով Սահմանադրության փոփոխության մասին՝ Կարապետյանը նշեց՝ Ալիևը չի կարող որոշել մեր Սահմանադրությունը։

«Ժողովո՛ւրդ, մենք խոսում ենք պետականության մասին, մենք խաղալիք չենք»,- ընդգծեց Կարապետյանը։

Նրա խոսքով՝ Նիկոլ Փաշինյանը խաղաղության անվան տակ գնաց ընտրությունների, ձայներ ստացավ, բայց չէր ասում՝ Ադրբեջանն էլ ի՞նչ է ուզելու։

«Իրենք մոլորեցնում են ժողովրդին, թաքցնում են բանակցությունները, որ սրտիկներով կարողանան ձայներ ստանալ»,- ասաց «Ուժեղ Հայաստան» խմբակցության ղեկավարը։

Նարեկ Կարապետյանը հայտարարեց, որ խաղաղության պայմանագրին պակասում են միայն երաշխիքները։

«Կարող է լինել աշխարհում լավագույն թուղթը, բայց եթե երաշխիք չկա... մեզ պետք է աշխարհաքաղաքական հավասարակշռությունը մեր կողմ բերել, ոչ թե մենք մենակ մնանք Ադրբեջանի կամքին։ Մեր խաղաղության երաշխավորը Ադրբեջանը չէ, այլ՝ տարածաշրջանային հավասարակշռությունը»,-նշեց նա։

Կարապետյանն ասաց, որ ժողովուրդը պետք է ֆիքսի՝ առանց խաղաղության պայմանագրի՝ Նիկոլ Փաշինյանը Սյունիքում ճանապարհ տվեց։

Այս թեմայով Մարդիկ, ովքեր մեր ներվերը սղոցում էին, բերնին կերան ու վատ կերան. Նարեկ Կարապետյան  Որ դնես գլխին, գնդակահարես, ինքը չի գնա արտահերթ ընտրության․ Սամվել Կարապետյանը՝ Փաշինյանի հայտարարության մասին Նարեկ Նալբանդյանի և Դավիթ Ղազարյանի նկատմամբ քրեական հետապնդում է հարուցվել Ի՞նչ մեղք ունեմ, որ խոստացել էին ՏԻՄ ընտրություններում կտրել մեր թևերը, բայց չեն մասնակցում. գնամ, Նարեկ Կարապետյանին ասեմ՝ խնդրում եմ առաջադրվե՞ք. Ռուբինյան Մենք պատրաստ ենք, միայն օրն ասեք․ Նարեկ Կարապետյանը՝ արտահերթ ընտրությունների վերաբերյալ Փաշինյանի հայտարարության մասին