Ավստրիան լրտեսության կասկածանքով երկրից արտաքսում է չորս ռուս դիվանագետի

Ավստրիայի արտաքին գործերի նախարարությունը լրտեսության կասկածանքով երկրից արտաքսում է չորս ռուս դիվանագետի։ Այս մասին Current time-ի փոխանցմամբ հայտնել է Profil պարբերականը, իսկ ավելի ուշ գերատեսչությունը հաստատել է տեղեկությունը APA գործակալության հետ զրույցում։

Աղբյուրի փոխանցմամբ, ըստ Profil-ի, օգոստոսի կեսերին Ավստրիայի Պաշտպանության նախարարությունն էլեկտրոնային փոստով նախազգուշացրել է երկրի զինծառայողներին Կրեմլի ենթադրյալ գործակալների կողմից կապ հաստատելու հնարավոր փորձերի մասին։ Հաղորդագրության մեջ նշված է եղել 21 մարդու անուն, ինչպես նաև կցված են եղել նրանց լուսանկարները։ Նրանց վերաբերյալ տեղեկությունները ստացվել են «Ագենստվո»-ի նախագծի հրապարակումից։
 Ըստ աղբյուրի, Ավստրիայում Ռուսաստանի 117 դիվանագիտական աշխատակիցներից առնվազն 20-ը կապված է կամ կարող է կապված լինել հատուկ ծառայությունների հետ։ Միևնույն ժամանակ, ըստ Profil-ի, ցուցակում ընդգրկված անձինք նախկինում արդեն «գրավել էին Ավստրիայի իշխանությունների ուշադրությունը»։ Պաշտպանության նախարարության նախազգուշացումից հետո գերատեսչությունը բազմաթիվ հաղորդումներ է ստացել, որոնք Ավստրիայի հատուկ ծառայությունները մանրակրկիտ ստուգում են։ Անցանկալի անձ հայտարարված չորս դիվանագետներից երեքը ներառված էին «Ագենստվո»-ի ցուցակում: Նրանք Վիեննայում Ռուսաստանի դիվանագիտական ներկայացուցչության աշխատակիցներ են։ Եվս մեկ մարդ ԵԱՀԿ-ում ռազմական անվտանգության և սպառազինությունների վերահսկման հարցերով Ռուսաստանի պատվիրակության անդամ է։

Այս թեմայով Ռուս-ուկրաինական պատերազմը դադարեցնելու ճանապարհին հիմնական խոչընդոտը Դոնբասի նկատմամբ վերահսկողությունն է. Ռուբիո Գերմանիայի հետախուզության նախկին տնօրենը կարող էր տեղեկատվություն վաճառել Ադրբեջանին. Der Spiegel ՌԴ-ի, Ադրբեջանի և Հայաստանի միջև ձեռք բերված պայմանավորվածություններն արդիական են նաև հիմա․ ՌԴ ԱԳՆ 2020-2022 թթ․ եռակողմ ձևաչափը մնում է առանցքային տարածաշրջանային խաղաղության համար․ ՌԴ ԱԳՆ Գերմանիայի հետախուզության նախկին տնօրենը կարող էր տեղեկատվություն վաճառել Ադրբեջանին. Der Spiegel