ԿԳՄՍ-ում նոր նախաձեռնություններ են քննարկվել. հայոց լեզվի և մշակույթի տարածումը Ֆրանսիայում

ԿԳՄՍ նախարարի տեղակալ Քրիստինա Թաթարյանն ընդունել է Ֆրանսիայի Պլեսի Ռոբանսոն քաղաքի փոխքաղաքապետին և «ՕԴԱՐԻՖ» ասոցիացիայի ներկայացուցիչներին։

Հանդիպման ընթացքում ներկայացվել են սեպտեմբերի 11-13-ը Պլեսի Ռոբանսոն քաղաքում անցկացված միջոցառումների արդյունքները։ Մասնավորապես՝ անդրադարձ է կատարվել «ՕԴԱՐԻՖ» ասոցիացիայի պաշտոնական բացմանը, քաղաքապետարանի հետ համագործակցության հուշագրի ստորագրմանը, կրթամշակութային համաժողովին և «Հայաստանի օր» միջոցառմանը։

Հյուրերը ներկայացրել են ասոցիացիայի գործունեության հիմնական ուղղություններն ու առաջիկա ծրագրերը՝ ուղղված Ֆրանսիայում հայոց լեզվի, պատմության և մշակույթի տարածմանը, ինչպես նաև Հայաստանում ֆրանսերենի և ֆրանկոֆոն մշակույթի հանրահռչակմանը։ Այս համատեքստում նախարարի տեղակալն անդրադարձել է սփյուռքի հայկական կրթօջախներին աջակցելու՝ ԿԳՄՍ նախարարության ծրագրերին՝ կարևորելով սփյուռքահայ ուսուցիչների ամենամյա վերապատրաստումները և հայկական կրթօջախներին դասագրքերի ու ուսումնաօժանդակ նյութերի անվճար տրամադրումը։ Քննարկվել են նաև Հայաստանի և Ֆրանսիայի կրթական հաստատությունների միջև համագործակցության և փորձի փոխանակման հնարավորությունները։

Անդրադարձ է եղել նաև 2027 թվականին Հայաստանում անցկացվելիք Ֆրանկոֆոնիայի միջազգային խաղերի նախապատրաստական աշխատանքներին։ Քրիստինա Թաթարյանը ներկայացրել է խաղերի մարզական և մշակութային բաղադրիչները, մասնակիցների ընտրության ընթացքը և կամավորների վերապատրաստման ծրագրերը։ Նա կարևորել է ֆրանսահայ համայնքի ներգրավվածությունը խաղերին, ինչպես նաև կամավորների ֆրանսերենի իմացության և հաղորդակցման հմտությունների զարգացումը։

Ֆրանսիական կողմը պատրաստակամություն է հայտնել աջակցելու կամավորական ծրագրերին։ Քննարկվել են փորձի փոխանակման, առցանց հանդիպումների և լավագույն կամավորների համար Ֆրանսիա ճանաչողական այցերի կազմակերպման հնարավորությունները։ 

Այս թեմայով Ավելի քան 220 հազար դոլարի ոսկու ապօրինի տեղափոխման փորձ է կանխվել հայ-վրացական սահմանին Երկուսն էլ խոսում են ջախջախելու մասին. «Փաստ» Ֆրանսիայում ՀՀ դեսպան Արման Խաչատրյանը հանդիպել է Լուվրի թանգարանի նախագահ-տնօրեն Քրիստոֆ Լերիբոյի հետ Թուրքիայի նախագահ Ռեջեփ Թայիփ Էրդողանը և Ֆրանսիայի նախագահ Էմանուել Մակրոնը հեռախոսազրույց են ունեցել Նիդերլանդների Թագավորության արտաքին գործերի նախարար Թոմ Բերենդսենը ժամանել է Հայաստան