Փարիզում այրվել է 1615 թվականին հիմնադրված ամենահին սննդի շուկան

Փարիզի կենտրոնում գտնվող «Անֆան-Ռուժ» շուկան, որը հայտնի է տեղացիների և զբոսաշրջիկների շրջանում, ոչնչացվել է գիշերը տեղի ունեցած հրդեհի հետևանքով, հայտնել է Ֆրանսիայի մայրաքաղաքի կենտրոնական շրջանի քաղաքապետ Արիել Վեյլը, հայտնում է ՌԻԱ Նովոստի-ն:

«Փարիզի հրշեջները վճռական և արդյունավետ են գործել «Անֆան-Ռուժ» շուկայում: Կրակը մեկուսացված է, սակայն շուկան ամբողջությամբ ավերված է», - հայտնել է շրջանի ղեկավարը:

Դեպքի վայրում աշխատող և հարակից տարածքի անվտանգությունն ապահոված հրշեջների տվյալներով՝ բռնկումը սկսվել է գիշերվա ժամը երեքի սահմաններում (Երևանի ժամանակով՝ 05:00-ին): Հրշեջները հաստատել են, որ շուկան մոխրացել է: Բռնկման պատճառը չի նշվում:

Փարիզի 3-րդ շրջանում գտնվող մասնակի ծածկված շուկան միավորում է տեղական արտադրողների առևտրային կետերը և բազմաթիվ գաստրոնոմիական կրպակներ․ այն մեծ ժողովրդականություն է վայելում ինչպես տեղացիների, այնպես էլ զբոսաշրջիկների շրջանում:

«Անֆան-Ռուժ» շուկան՝ Փարիզի ամենահին սննդի շուկան, հիմնադրվել է 1615 թվականին՝ Լյուդովիկոս XIII թագավորի կառավարման օրոք: Անվանումը, որը թարգմանաբար նշանակում է «Կարմիր երեխաների շուկա», առաջացել է որբանոցի հարևանության պատճառով, որի որբերը կարմիր գույնի հագուստ էին կրում:

Այս թեմայով Արդուկը միացնես կամ սառնարանը բացես՝ ավետում են, որ ԵՄ–ն իր շուկան գրեթե ամբողջությամբ «մերկացրել» է ՀՀ արտահանումների համար. Հակոբ Բադալյան ՀՀ դեսպանն ու Ֆրանս-Հայկական առևտրաարդյունաբերական պալատի (CCIFA) նախագահը քննարկել են արտահանման խթանումը Սահմանափակումները էականորեն դժվարացնում են ԵԱՏՄ ընդհանուր շուկայի լիարժեք գործունեությունը. Փաշինյան