Խերսոնի մարզի Օլեշկի քաղաքում սկսվել է բնակիչների տարհանումը

Խերսոնի մարզի Օլեշկի քաղաքում սկսվել է բնակիչների տարհանումը։ Ըստ Meduza-ի, այս մասին հայտնել են Ռուսաստանի օմբուդսմեն Յանա Լանտրատովան և Ուկրաինայի Գերագույն ռադայի «Ժողովրդի ծառա» խմբակցության ղեկավար Դավիդ Արախամիան։ 
«Մենք գտնվում ենք Օլեշկիում։ Այստեղ հավաքվել են մարդիկ, որոնք ցանկանում են մեկնել Ռուսաստանի Դաշնության տարածք, այնտեղ էլ՝ մարդիկ, որոնք ցանկանում են մեկնել Ուկրաինայի տարածք։ Բոլորին նման հնարավորություն կտրամադրվի, մարդիկ աստիճանաբար նստում են ավտոբուս»,- տելեգրամում հրապարակված տեսանյութում ասել է Լանտրատովան։ 

Աղբյուրի փոխանցմամբ, կարճ ժամանակ անց, սակայն, տեսանյութը հեռացվել է։ Արախամիան էլ հայտնել է, որ ուկրաինական պատվիրակությունն անվտանգ հասել է Օլեշկի, որտեղ սկսվել են բնակիչների տարհանումն ու մարդասիրական օգնության բաշխումը։ Ուկրաինայի օմբուդսմեն Դմիտրի Լուբինեցը տեսանյութ է հրապարակել և հաստատել, որ գտնվում է քաղաքում։ «Լռության ռեժիմն արդեն 80 ժամ է՝ գործում է և շարունակվում։ Այժմ ես գտնվում եմ տեղում և զրուցում եմ տեղի բնակիչների հետ՝ նրանց կարիքները պարզելու և հասկանալու, թե ինչ օգնություն է նրանց անհրաժեշտ առաջին հերթին», - հայտարարել է Լուբինեցը։ 

Ըստ աղբյուրի, որ Ուկրաինայի վարչապետ Սերգեյ Կորեցկին Գերագույն ռադայում ելույթի ժամանակ հայտարարել է, որ 527 բնակիչ ցանկություն է հայտնել մեկնել Ուկրաինա։ Ռուսական կողմը դեռևս չի հրապարակել այն մարդկանց թիվը, որոնք ցանկանում են մեկնել Ռուսաստան։ Ռուսաստանն ու Ուկրաինան դադարեցրել են ռազմական գործողությունները Օլեշկիում՝ ԱՄՆ առաջին տիկին Մելանյա Թրամփի միջնորդությամբ իրականացվող մարդասիրական առաքելության համար։ 

Հիշեցնենք, որ լռության ռեժիմն ուժի մեջ է մտել հոկտեմբերի 27-ի առավոտյան և կգործի մինչև նոյեմբերի 1-ի ուշ երեկո։

Այս թեմայով Կիևն անտեսում է ՌԴ նավթավերամշակման գործարաններին չհարվածելու Թրամփի պահանջները. Ուշակով Պուտինը բաց է շփումների համար՝ Ուկրաինայի հարցով խաղաղ ուղի դուրս գալու համար. Պեսկով Ուկրաինայի և ՌԴ նախագահների հանդիպումը կարող է նոր թափ հաղորդել բանակցություններին. Սիբիգան Սպիտակ տունը սողում է Վլադիմիր Պուտինի առջև և դավաճանnւմ ուկրաինացիներին. Օբամա Ի՞նչ փնտրեց ու չգտավ Եվրոպայում Վրաստանը, որ այսքան տարի անց փորձում է հարաբերություններ վերականգնել Ռուսաստանի հետ