ԱՄՆ դեսպանատունը Մոսկվայի «Ցարիցինո» թանգարան-արգելոցի տարածքում ահաբեկչության սպառնալիքի մասին է զգուշացրել

ԱՄՆ-ի դեսպանատունը Մոսկվայում նախազգուշացրել է հոկտեմբերի 31-ին Մոսկվայի «Ցարիցինո» թանգարան-արգելոցի տարածքում հնարավոր ահաբեկչության մասին։

Դեսպանատան հաղորդագրության համաձայն՝ ԱՄՆ-ի դիվանագիտական ներկայացուցչությունը հավաստի տեղեկություններ է ստացել հոկտեմբերի 31-ին նշված տարածքում հնարավոր ահաբեկչության մասին, որը կարող է մեծ թվով զոհերի պատճառ դառնալ։

Նշվում է, որ ԱՄՆ-ի կառավարությունը հնարավոր միջադեպին արձագանքելու հարցով համակարգում է գործողությունները Ռուսաստանի համապատասխան պետական մարմինների հետ։

Դեսպանատունը հորդորել է խուսափել այսօր «Ցարիցինո» թանգարան-արգելոց այցելելուց և չմոտենալ այդ տարածքին, զգոն լինել ու խուսափել մարդկանց կուտակումներից։ ԱՄՆ քաղաքացիներին նաև խորհուրդ է տրվել հետևել տեղական լրատվամիջոցների հաղորդագրություններին, վերանայել անձնական անվտանգության ծրագիրը, լիցքավորված պահել բջջային հեռախոսները և իրենց մոտ ունենալ անձը հաստատող փաստաթղթեր։

Այս թեմայով UFC-ի ղեկավար Դանա Ուայթը խոսել է Ռուսաստանում մրցաշար անցկացնելու մասին Երևան–Մոսկվա չվերթի ինքնաթիռը վայրէջք է կատարել Օմսկում․ Sputnik Արմենիա Կիևը և Մոսկվան հաստատել են Խերսոնի մարզի Օլեշկի քաղաքում հրադադարի հաստատումը Մոսկվայի 10 տեսարժան վայրերը, որոնք արժե ներառել զբոսաշրջային երթուղում