Շարունակելու ենք պահպանել ու պաշտպանել մեր հերոսների հիշատակը՝ անկախ նրանից, թե դա ում է անհանգստացնում. Դանիելյան
Ընդդիմադիր քաղաքական գործիչ Գառնիկ Դանիելյանն այսօր իր Ֆեյսբուքյան էջում գրառում է արել` արձագանքելով Երևանի քաղաքապետի մամուլի խոսնակին
Տպավորություն է ստեղծվում, որ Երևանի քաղաքապետի մամուլի խոսնակը հերթական հանձնարարությունն է ստացել անդրադառնալու իմ համեստ անձին՝ այս անգամ շահարկելով հերոս Ալբերտ Հովհաննիսյանի անունը։
Տիկի՛ն, կարծում եմ՝ հասկանալի է, որ Երևանի հետ կապված խնդիրների մեր հետևողական բարձրաձայնումը՝ սկսած քաղաքային կառավարման ձախողումից մինչև խցանումներ, շինթույլտվությունների տրամադրում և բազմաթիվ այլ խնդիրներ, ակնհայտորեն անհանգստացրել է քաղաքապետին և, ըստ ամենայնի, նաև Ձեզ։
Փոխանակ պատասխանելու բարձրացված հարցերին՝ Դուք նախընտրում եք անձնական թիրախավորման ճանապարհը։
Ավելին, եթե հանրության, այդ թվում՝ մեր կողմից չլիներ այս հարցի շուրջ կոշտ քննադատությունը, դժվար թե ստիպված լինեիք նման քայլեր ձեռնարկել։
Եվ խոսքը ամենևին միայն Ալբերտ Հովհաննիսյանի դիմանկարի մասին չէ։ Երևանի տարբեր հատվածներից հեռացվել են նաև այլ հերոսների պատկերներ։
Այս մասին ասելիք, արդարացում ունե՞ք:
Այնպես որ, մի՛ փորձեք այս ամենը ներկայացնել որպես մեկ նկարի շուրջ առաջացած թյուրիմացություն և դրանով արդարացնել կատարվածը։
Հանրությունը շատ լավ հասկանում է, թե ինչ է կատարվում: Մեզ համար անընդունելի է ցանկացած փորձ՝ մեր հիշողությունից ջնջելու Արցախը, Արցախյան ազատամարտը և մեր անմահ հերոսներին։
Գոնե պատկերացնու՞մ եք, թե հոգեկան ինչ ապրումներ եք առաջացնում հերոսների ծնողների մոտ, երբ վերջիններս ականատես են լինում նկարների հեռացմանը:
Եվ այս ամենից հետո դուք բարոյական իրավունք ունե՞ք այս թեմայով որևէ բառ արտաբերելու:
Ակնհայտ է, որ այսպիսի պղծության փորձերը ոչ թե զուտ պատահականություն են, այլ հստակ պետական քաղաքականություն:
Մենք շարունակելու ենք հետևողականորեն բարձրաձայնել և պայքարել այն ամենի դեմ, ինչն անթույլատրելի ենք համարում։ Շարունակելու ենք պաշտպանել մեր հերոսների հիշատակը և խոսել Երևանի խնդիրների մասին՝ անկախ նրանից, թե դա ում է անհանգստացնում։
Իսկ նման արձագանքներով Դուք միայն ավելի եք մոտիվացնում մեզ շարունակելու մեր աշխատանքը։
Մենք ամեն ինչ անելու ենք, որ մեր հերոսները ոչ միայն չմոռացվեն, այլև նրանց սխրանքների պատմությունները տեղ գտնեն դպրոցական դասագրքերում, իսկ երեխաները դպրոցներում դաստիարակվեն նրանց օրինակով։
Զբաղվե՛ք մայրաքաղաքի խնդիրներով, որոնք այնքան շատ են, որ դրանց լուծումները գտնելու համար քնելու ժամանակ անգամ չպետք է ունենաք, ուր մնաց՝ ֆեյսբուքում գրառումներ անելու»։


















































Խցանումներից խուսափելու տարբերակ է դիտարկվում կենտ և զույգ համարանիշներով երթևեկությունը, որոշակի տուրքերի սահմանումը. Ավինյան
Մեր հերոսների հիշատակը որևէ մեկի քաղաքական որոշումից. Դանիելյան
Ընտրովի հետապնդումների աճող միտում ու ժողովրդավարության հետընթաց. DW-ն անդրադարձել է Արթուր Դանիելյանի կալանավորմանը
Քաղաքապետարանի ստորին էշելոններում վրդովված են. «Հրապարակ»
ՔՊ-ն օրակարգ ունի, անկախ նրանից, թե դա իրենց օրակարգն է, թե` Ադրբեջանի. Դանիելյան
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Որո՞նք են այն հիմնական նախանշանները, որոնց դեպքում մարդը պետք է դիմի բժշկի
Այսօր խոշոր ավտովթար է տեղի ունեցել Գեղարքունիքի մարզում
ՌԴ-ում ինքնաթիռ է կործանվել. կան զոհեր
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը