Ինչո՞ւ է Նիկոլ Փաշինյանը ցանկանում Սահմանադրության փոփոխությունը ծանրացնել ընդդիմության ուսերին
Ընդամենը մեկ օր առաջ Նիկոլ Փաշինյանը խորհրդարանում «Քինգ Քոնգի» լեզվով էր խոսում, ընդդիմությանը մարտահրավեր նետելով։ Իսկ այսօր նույն վարչապետը ընդդիմությունից վեց ձայն է խնդրում իր նախաձեռնած նոր Սահմանադրության հանրաքվեն անցկացնելու համար։ Ի՞նչ փոխվեց մեկ օրում։ Երեկվա ինքնավստահությունն ինչո՞ւ այսօր վերածվեց քվե մուրալու անհրաժեշտության։ Պատասխանը թերևս պարզ է․ «Քաղաքացիական պայմանագիրն» Ազգային ժողովում ունի 64 մանդատ, իսկ հանրաքվե նշանակելու համար անհրաժեշտ է 70 ձայն։ Այսինքն՝ Փաշինյանին պակասում է վեց ձայն, և առանց ընդդիմության աջակցության իր նախաձեռնությունը չի կարող առաջ տանել։ Վարչապետն առաջարկում է հետևյալ պայմանը․ եթե ժողովուրդը մերժի նոր Սահմանադրությունը, ինքը մեկ շաբաթվա ընթացքում հրաժարական կտա, իսկ եթե ընդունի՝ հաջորդ ընտրություններին վարչապետի թեկնածու չի առաջադրի։ Ընդդիմադիր ճակատում չեն շտապում հավատալ այս խոստումներին։ «Հայաստան» խմբակցության պատգամավոր Քրիստինե Վարդանյանը հայտարարել է, որ ընդդիմությունը իշխանափոխության հարցում իշխանությունների հետ գործարքների չի գնում։ Նա նաև կասկածի տակ է դրել Փաշինյանի խոստման վստահելիությունը՝ հիշեցնելով, որ քաղաքական իրավիճակը կարող է փոխվել։ «Ուժեղ Հայաստան» խմբակցության պատգամավոր Տիգրան Աբրահամյանն էլ վերահաստատել է իր դիրքորոշումը․ «Հայաստանի Սահմանադրությունը չպետք է փոխվի Ադրբեջանի պահանջով»։ Նա նաև հայտարարել է, որ ընդդիմությունն ունի իր ճանապարհային քարտեզը՝ ներառյալ փողոցային պայքարը։
Մինչդեռ ԱԺ նախագահ Ռուբեն Ռուբինյանը ընդդիմությանը հորդորում է չխոչընդոտել հանրաքվեին և գլխավորել «Ոչ»-ի քարոզարշավը, պնդելով, որ երկու դեպքում էլ Փաշինյանը հեռանալու է։
Բայց այստեղ մի էական հարց կա․ ինչո՞ւ պետք է ընդդիմությունը սեփական ձայներով ճանապարհ բացի մի գործընթացի համար, որի քաղաքական և սահմանադրական հետևանքների վերաբերյալ լուրջ առարկություններ ունի։ Նոր Սահմանադրության նախագիծը դեռ ամբողջությամբ հրապարակված չէ, իսկ դրա շուրջ քաղաքական բանավեճն արդեն վերածվել է իշխանության և ընդդիմության միջև ուժերի հարաբերակցության հարցի։ Եվ վերջապես, եթե Փաշինյանն այդքան վստահ է իր նախաձեռնության հանրային աջակցության վրա, ինչո՞ւ է ընդդիմությունից վեց ձայն խնդրում։ Եվ ինչո՞ւ է ուզում Սահմանադրության փոփոխության պատասխանատվությունը ևս ծանրացնի ընդդիմության ուսերին։
Երեկ՝ «Քինգ Քոնգ», այսօր՝ վեց քվեի սպասում։ Քաղաքական ինքնավստահության և խորհրդարանական իրականության միջև, կարծես, բավական մեծ հեռավորություն կա։
Արմինե Մելքոնյան


















































Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Այսօր խոշոր ավտովթար է տեղի ունեցել Գեղարքունիքի մարզում
ՌԴ-ում ինքնաթիռ է կործանվել. կան զոհեր
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Մասիս Մելքոնյանին գաղտնալսե՞լ են
Վանաձորում բեռնատարը 15-ից ավելի մեքենաներ է ջարդել, բախվել ծառերին. 5 վիրավորներից 2-ն անչափահաս են
Պայմանագրային զինծառայող է մահացել
Ինձ համար խաղաղության տեսլական չկա։ Ինձ համար կա ազգային արժանապատվության և ազգային պետականության հա...