Մոռացեք, որ ինչ-որ անաչառ ու օբյեկտիվ բան կարող են սրանք անել. «Հրապարակ»
«Հրապարակ» օրաթերթը գրում է.
«Եթե կարծում եք, թե Մասիս Մելքոնյանին պատժելու փորձերը պայմանավորված են նրանով, որ իշխանությունն ուզում է՝ երկրում արդարադատություն աշխատի, դատական համակարգում ապօրինի որոշումներ կայացնող դատավորներ չլինեն, չարաչար սխալվում եք։ Այս վարույթները հարուցվում են բոլոր դատավորների վախը բռնելու նպատակով։ Դատավորները, լսելով, որ Մասիսի դեմ վարույթ են հարուցել, չեն մտածելու՝ Մասիս, բա քեզ պե՞տք էր անունդ այդպես արատավորել, այլ մտածելու են՝ երեւի մի տեղ թերացել է վերադասի հրամանները կատարելիս՝ պատժում են։
Եթե կարծում եք, որ Սամվել Ալեքսանյանի «Մեգամոլի» նկատմամբ հարուցված վարույթը՝ հողի աճուրդի խախտումների հետ կապված, պայմանավորված է նրանով, որ առհասարակ բոլոր ապօրինությունների դեմ է այս իշխանությունը պայքարում, անկախ նրանից՝ սեփականատերը յուրային է, թե հակառակորդ, նորից սխալվում եք։ Սա կարող է մի կողմից առանց խտրականության օրենքը կիրառելու իմիտացիա ստեղծելուն միտված լինել, մյուս կողմից՝ գուցե ստիպում են, որ Լֆիկը լրացուցիչ «մուծվի», կամ վախեցնում են, որ «գծից չշեղվի»։ Եթե կարծում եք, որ Փաշինյանն Անթալիայից Դուբլին բանան էր տանում, որովհետեւ ձեզ նման ամեն օր չէ, որ բանան է ուտում, կրկին սխալվում եք․ նա ամենաթանկ եւ որակյալ սնունդն է ընդունում եւ ըստ պահանջի ապրում։ Եթե կարծում եք, թե Սպիտակի գործող քաղաքապետին ուզում են ընտրություններից հեռացնել, քանի որ նա պաշտոնը չարաշահել է, եւ վերին իշխանության համար միեւնույն է․ ով որ խախտում կատարի՝ սեփական թիմակիցը, թե ընդդիմադիր հայացքներով որեւէ համայնքապետ, պատժելու են, էլի սխալվում եք։ Այս քաղաքապետին ավելի հնազանդ ու յուրային մեկով կփոխարինեն։ Առհասարակ՝ մոռացեք, որ ինչ-որ անաչառ ու օբյեկտիվ բան կարող են սրանք անել»։


















































«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Որո՞նք են այն հիմնական նախանշանները, որոնց դեպքում մարդը պետք է դիմի բժշկի
Այսօր խոշոր ավտովթար է տեղի ունեցել Գեղարքունիքի մարզում
Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
ՌԴ-ում ինքնաթիռ է կործանվել. կան զոհեր
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը