Գերիների ազատ արձակումը պահանջում է կոնկրետ գործողություններ. Արցախի պետնախարար

Արցախի պետնախարար Նժդեհ Իսկանդարյանը գրել է.

«Առաջարկում եմ Հայաստանի Հանրապետության իշխանություններին և միջազգային կազմակերպություններին նախաձեռնել եռակողմ բանակցային հանձնախմբի ստեղծում՝ հետևյալ կազմով.

1. Արցախի պետնախարարի գլխավորությամբ՝ Արցախի ներկայացուցիչներ։

2. Հայաստանի Հանրապետության կառավարության կողմից նշանակված ներկայացուցիչներ։

3. Միջազգային միջնորդների և մարդու իրավունքների մասնագետներ։

Հանձնախմբի հիմնական նպատակը պետք է լինի Ադրբեջանի հետ անմիջական բանակցությունների կազմակերպումը՝ Ադրբեջանում պահվող բոլոր հայ գերիների ազատ արձակման և հայրենիք վերադարձի հարցով։

Առաջարկում եմ հանձնախմբի առաջին հանդիպումը կազմակերպել միջազգային միջնորդներից մեկի հովանու ներքո՝ հնարավորինս սեղմ ժամկետում։

Պատրաստակամություն եմ հայտնում ղեկավարելու այս նախաձեռնությունը և անձամբ մասնակցելու բանակցություններին։

Գերիների ազատ արձակումը պահանջում է կոնկրետ գործողություններ, ոչ թե միայն հայտարարություններ»։

Այս թեմայով Բանտարկյալների առկայությունը թշնшմшնքի մթնոլորտի արտացոլումն է. Փաշինյանը՝ հայ գերիների մասին Ղարաբաղի համար պատասխանատվությունը Երևանը փորձում է բարդել Ռուսաստանի, ՀԱՊԿ-ի վրա. ՌԴ խորհրդի նախագահ Հայ գերիների հարցի լուծումը ՀՀ-Ադրբեջան հարաբերությունների կարգավորման նախապայման է. Ֆրանսիայի արտաքին առևտրի լիազոր-նախարար Լևոն Քոչարյանը ՄԱԿ-ում խոսել է արցախցիների խնդիրների մասին Արցախը հայկական չէին համարել, մարդկանց խաբել էին․ Տիգրան Աբրահամյան