Արսեն Գևորգյանին կալանավորած դատավորը ինքնաբացարկ է ներկայացրել

«Դատալեքս» համակարգից տեղեկանում ենք, որ ՀՀ հակակոռուպցիոն դատարանի դատավոր Արամ Գրիգորյանը, ով երկու ամսով կալանավորելու որոշում էր կայացրել «Ուժեղ Հայաստան» կուսակցության` Ստեփանավանի ավագանու ցուցակը գլխավորած Արսեն Գևորգյանի նկատմամբ, ինքնաբացարկ է հայտնել։ 
Նշենք, որ դատավորը որոշումը կայացրել է նոյեմբերի 11-ին։ Նա պատճառաբանել է, որ Գևորգյանի մահվանից հետո հրապարակային հայտարարություններում կասկածի տակ են դրվել ինչպես կալանավորման որոշման օրինականությունը, այնպես էլ իր անաչառությունը։

«Թեև գտնում եմ, որ կարող եմ տվյալ վարույթի ընթացքում լինել անկողմնակալ, սակայն վերը վկայակոչված հանգամանքները կարող են ողջամիտ կասկած հարուցել անաչառ դիտորդի մոտ»,– նշել է դատավորը։

Հավելենք, որ նա եզրակացրել է, որ ստեղծված իրավիճակը կարող է կասկածի տակ դնել գործի դատական քննության օբյեկտիվությունը և կայացվելիք դատական ակտերի արդարացիությունը։

Այս թեմայով Վլադիմիր Վարդանյանն ընտրվեց Սահմանադրական դատարանի նախագահ Վեհափառի գործով ինքնաբացարկ հայտնած դատավոր Հակոբ Մանուկյանի նկատմամբ կարգապահական վարույթ է հարուցվել Ինքնաբացարկ հայտնած դատավորին պատժում են. «Հրապարակ» «Ուժեղ Հայաստան» կուսակցության անդամ Ալեքսան Ալեքսանյանի նկատմամբ տնային կալանք կիրառելու որոշման դեմ բողոքները կքննի Վերաքննիչ հակակոռուպցիոն դատարանի դատավոր Ժենյա Մելիքսեթյանը։ Ռուսաստանի նախագահ Վլադիմիր Պուտինը Կիրա Մխիթարյանին և Ռուզաննա Գևորգյանին դատավորներ է նշանակել