Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գերադասում տեղափոխվել Ռուսաստան անգամ պատերազմի օրերին....

ՌԴ ՆԳ նախարար Վլադիմիր Կոլոկոլցևը երեկ հայտարարություն տարածեց, ըստ որի Ռուսաստանի «Հայրենակիցների կամավոր վերաբնակեցման» պետական ծրագրի շրջանակներում վերջին 20 տարում երկիր է տեղափոխվել ավելի քան 1,2 միլիոն մարդ։ Հայաստանը նույնպես այն երկրների շարքում է, ում քաղաքացիները տարիներ շարունակ օգտվել են այս ծրագրից։

Վերջին տարիների տվյալները ցույց են տալիս, որ նույնիսկ ռուս-ուկրաինական պատերազմի պայմաններում հայերը շարունակել են տեղափոխվել Ռուսաստան․ 2022-ին՝ շուրջ 8 400, 2023-ին՝ շուրջ 7 500 մարդ։

Թվում է 2024֊ին դիմողների թիմը նվազում է 6400 մարդ, բայց իրականությունը այլ բան է փաստում։ Ռուսաստանը ծրագրի մեջ խստացումներ է ներառել, այդ թվում ռուսերեն լեզվի տիրապետում, իսկ 2025-ին նաև սահմանափակվել են ծրագրի մասնակից դառնալու իրավասության շրջանակները։ 

ՌԴ տեղափոխվել ցանկացող քաղաքացիների թիվն այսօր էլ է շատ և ցավալի է, որ նրանց հեռահար նպատակը այնտեղ աշխատելը և վերադառնալը չէ, այլ վերջնական այնտեղ տեղափոխվել և հաստատվելն է։

Ու այս վիճակագրության ֆոնին մեկ հարց է մնում անպատասխան. Եթե Հայաստանում իրավիճակն իրոք այնքան լավ է, ինչպես ներկայացվում է, ապա ինչո՞ւ են հազարավոր հայեր գերադասում տեղափոխվել Ռուսաստան անգամ պատերազմի օրերին։ 

Արմինե Մելքոնյան