Արտառոց դեպք Երևանի թիվ 57 մսուր-մանկապարտեզում

Հոկտեմբերի 21-ին արտառոց դեպք է տեղի ունեցել Երևանում։ Ժամը 15։20-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Ավանի բաժին է դիմել Երևանի բնակիչ 46-ամյա Մարգարիտա Հ․-ն և հայտնել, որ Դուրյան թաղամասում գործող «Երևանի թիվ 57 մսուր-մանկապարտեզ» ՀՈԱԿ-ի փոխտնօրեն Լաուրա Գ․-ն և մեթոդիստ՝ Երևանի բնակիչ 38-ամյա Վարդուհի Հ․-ն փոխել են երեխաների հաճախումների մատյանում առկա գրառումները՝ ավելացնելով 5 երեխայի տվյալներ, քանի որ մանկապարտեզի ֆինանսավորումն իրականացվում է ըստ երեխաների թվաքանակի։ Այս մասին հաղորդում է Shamshyan.com-ը։
Ֆոտոլրագրող Գագիկ Շամշյանի փոխանցմամբ, Մարգարիտա Հ․-ն նաև հայտնել է, որ ՀՈԱԿ-ի տնօրեն՝ Երևանի բնակիչ 35-ամյա Արփինե Հ․-ն սպառնում է աշխատակիցներին՝ ասելով, որ նրանց կհեռացնի աշխատանքից։
Նշենք, որ դեպքի փաստով ոստիկանության Ավանի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին։Գ․ Շամշյանի տեղեկություններով՝ Մարգարիտա Հ․-ն «Երևանի թիվ 57 մսուր-մանկապարտեզ» ՀՈԱԿ-ի ղեկավարն է։
                                                    

Այս թեմայով Երևանում բшխվել են «Hyundai Elantra»-ն և «Chevrolet Volt»-ը. վարորդները տեղափոխվել են հիվանդանոց Բարի ու արտակարգ դեպք Երևանում Հերթական շղթայական ավտովթարը՝ Երևանում․ բшխվել են «Range Rover»-ը, «Mercedes G 500»-ը, «Tesla»-ն ու «Nissan»-ը Երեւանի կենտրոն ավտոմեքենաների համար պետք է սահմանվի վարձավճար` տարեկան 15 միլիոն, ամսական 1.5 միլիոն. Նազարյան Երևան-Աշտարակ ճանապարհին տեղի ունեցած վթարից տnւժած երեխաներից մեկն այսօր դուրս է գրվել հիվանդանոցից. ԱՆ