Հայաստանը չի հայտնել ԱՊՀ-ից դուրս գալու մտադրության մասին․ Լեբեդև

ԱՊՀ ղեկավարությունը Հայաստանի՝ կազմակերպությունից դուրս գալու մտադրության մասին հայտարարություններ չի ստացել։ Այս մասին հավաքական անվտանգության ապահովման միջազգային համաժողովի շրջանակում ՏԱՍՍ-ի հետ զրույցում հայտնել է ԱՊՀ գլխավոր քարտուղար Սերգեյ Լեբեդևը։

«Ո՛չ։ Ե՛վ վարչապետն է անձամբ ինձ ասել, և՛ շատ ուրիշներ, որ իրենք մնում են ԱՊՀ-ում։ Մենք ոչ մի հայտարարություն չենք լսել այն մասին, որ նրանք պատրաստվում են դուրս գալ»,-ասել է Լեբեդևը՝ պատասխանելով ԱՊՀ-ից Հայաստանի հնարավոր դուրս գալու մասին հարցին։

Վարչապետ Նիկոլ Փաշինյանը հրապարակավ հանդես է եկել ԱՊՀ շրջանակում համագործակցությունը շարունակելու օգտին։ Մասնավորապես, 2026 թվականի հոկտեմբերի 9-ին Թուրքմենստանում կայացած ԱՊՀ գագաթնաժողովում նա հայտարարել է, որ հայկական կողմը «կառուցողական ջանքեր է գործադրել Համագործակցությունում Թուրքմենստանի նախագահության հայեցակարգում նախանշված առաջնահերթությունները գործնականում իրականացնելու համար»։

Շնորհավորելով Ուզբեկստանին ԱՊՀ-ում նախագահությունը ստանձնելու կապակցությամբ՝ Հայաստանի վարչապետը հավելել է․ «Իհարկե, դուք կարող եք հույս դնել մեր աջակցության վրա»։

Այս թեմայով ՀԱՊԿ-ում կներկայացվի կազմակերպության մարմիններում Հայաստանին ձայնի իրավունքից զրկելու մասին նախագիծը. Լավրով Հայաստանը փորձում է իր որոշումների համար պատասխանատվությունը բարդել ՀԱՊԿ-ի վրա. Պանկին Պուտինը կմասնակցի Մոսկվայում կայանալիք ՀԱՊԿ գագաթնաժողովին ՀԱՊԿ-ին Հայաստանի անդամակցության հարցը կլուծվի կազմակերպությանում քննարկումների արդյունքներով․ Պեսկով Հաջորդ շաբաթ ՀԱՊԿ խորհուրդը կարող է Հայաստանին զրկել ձայնի իրավունքից. ՌԴ ԱԳՆ