Հաջորդ շաբաթ ՀԱՊԿ խորհուրդը կարող է Հայաստանին զրկել ձայնի իրավունքից. ՌԴ ԱԳՆ

ՌԴ արտաքին գործերի նախարարի տեղակալ Ալեքսանդր Պանկինը հայտարարել է, որ ՀԱՊԿ Հավաքական անվտանգության խորհուրդը հաջորդ շաբաթ կարող է որոշում կայացնել կազմակերպությունում Հայաստանի ձայնի իրավունքը կասեցնելու վերաբերյալ։ Այս մասին հաղորդում է ՏԱՍՍ-ը։
«Հայաստանն արդեն ավելի քան երկու տարի անդամավճար չի վճարում, ուստի լիովին հնարավոր է, որ քննարկվի և որոշում ընդունվի նրա անդամակցության ժամանակավոր կասեցման, ավելի ճիշտ՝ ձայնի իրավունքից զրկելու մասին՝ մինչև անդամավճարների վճարումը։
Սա բացարձակապես տեխնիկական հարց է, որը նախատեսված է կանոնադրության համապատասխան հոդվածով։ Հետևաբար, հնարավոր է՝ նման ելք լինի, սակայն ամեն ինչ կախված է նախագահի որոշումից»,- ասել է նա։
Աղբյուրի փոխանցմամբ, Պանկինը հիշեցրել է, որ Ռուսաստանն այս պահին նախագահում է ՀԱՊԿ-ում և պատասխանատու է կազմակերպության օրակարգի համար։
«Տեղի կունենա ՀԱՊԿ գագաթնաժողով, որին նախորդելու է արտաքին գործերի և պաշտպանության նախարարների, ինչպես նաև անվտանգության խորհուրդների քարտուղարների եռակողմ հանդիպումը։ Հայաստանի հարցը, գուցե, ամենագլխավորը չէ, բայց հանրության համար կարող է լինել ամենահետաքրքիրը, քանի որ ՀԱՊԿ-ը համագործակցության, համատեղ խնդիրների և նպատակների մասին է»,- նշել է նա։
Հարցին, թե արդյոք այդ հարցը կքննարկվի հաջորդ շաբաթ կայանալիք միջոցառումների ընթացքում, Պանկինը պատասխանել է.
«Հավանաբար՝ այո, այն կարող է քննարկվել, բայց ամեն ինչ կախված է նրանից՝ մյուս բոլոր մասնակիցները կհամաձայնե՞ն արդյոք այն քննարկել, թե՞ ոչ։ Կարծում եմ՝ կքննարկվի»։
ՀԱՊԿ Հավաքական անվտանգության խորհրդի հերթական նիստը կկայանա նոյեմբերի 11-ին՝ Մոսկվայում։

Այս թեմայով Ադրբեջանը վերականգնել է արդարությունն ու իր իրավունքները. Ալիև Տեղի է ունեցել Հայաստանի և Վրաստանի պետական սահմանի սահմանազատման և սահմանագծման հանձնաժողովների միջև հանդիպումը Չեմ բացառի, որ հանդիպում կկայանա Ամենյան Հայոց Կաթողիկոսի հետ. Տիգրան Աբրահամյան ՀԱՊԿ-ին Հայաստանի անդամակցության հարցը կլուծվի կազմակերպությանում քննարկումների արդյունքներով․ Պեսկով Ադրբեջանը փուլ առ փուլ շուրջ 200 քկմ է օկուպացրել ՀՀ սուվերեն տարածքից. «Հետք»