Մոսկովյան 10 ռեստորան, որոնք քաղաքի հյուրերին գիտեն ինչով զարմացնել....

Մոսկվան աշխարհի կենտրոնն է,կասեր Չարենցը։ Ու բնականաբար աշխարհի կենտրոնը իր հյուրերին պետք է զարմացնի իր մշակույթով, իր մաքրությամբ և վերջապես իր շունչը պարունակող ռեստորաններով, որ քաղաքի հյուրերը դեռ երկար հիշեն Մոսկվան։

Մոսկվայում առանձնացրել ենք 10 սրճարաններ ու ռեստորաններ, որտեղ այցելուն ոչ միայն համտեսում է ռուսական խոհանոցը, այլև կարծես տեղափոխվում է մեկ այլ ժամանակաշրջան։ Հնաոճ կահույք, փայտյա դեկոր, գրապահարաններ, հին սպասք, բյուրեղապակի և խորհրդային կենցաղային իրեր․ այստեղ ինտերիերը նույնքան կարևոր է, որքան ճաշացանկը։

 «Кафе Пушкинъ» 

Մոսկվայի ամենահայտնի ռեստորաններից մեկը, որը կարծես պահպանել է 18–19-րդ դարերի ռուսական ազնվականական տան ամբողջ շքեղությունը։ Հնաոճ գրապահարանները, փայտյա կահույքը, ծանր վարագույրներն ու դասական ջահերը ստեղծում են այնպիսի մթնոլորտ, կարծես ընթրիքի ես հրավիրված հին մոսկովյան առանձնատուն։ Երկրորդ հարկի սրահի կենտրոնում է նաև փայտե գլոբուսը և տպավորություն ստեղծում, թե աշխարհը պտտվում է Մոսկվայի շուրջ։

«Вареничная №1»

Հենց մուտքի մոտ քեզ թվում է, թե ժամանակի մեքենան այդ դռան տեսքով ծառանուն է քո առաջ, քանզի մեկ քայլ հետո խորհրդային տարիների ամբողջ կենցաղն է աչք շոյում։ Հին խաղարկիչներ, հեռախոս, գրապահարաններ ու մի ամբողջ մանկության պատկեր։

 «Mari Vanna» 

Mari Vanna-ն հին ռուսական ընտանեկան տան տրամադրություն ունեցող ռեստորան է։ Ծաղկավոր պաստառները, գրքերը, հնաոճ պահարաններն ու ընտանեկան լուսանկարները ստեղծում են այնպիսի զգացողություն, կարծես այցելել ես հյուրընկալ տանտիրուհու տուն ու ուր որ է եռացող ինքնաեռի շուրջ կյանք է առնելու ջերմ զրույց։

«Гранд Кафе Dr. Живаго»

Մոսկվայի սրտում գտնվող այս ռուսական մշակույթը ներկայացնում է ավելի ժամանակակից և շքեղ մեկնաբանությամբ։ Կարմիր ու սպիտակ գույների համադրությունը, արվեստի գործերի մոտիվներն ու դասական դեկորը ստեղծում են խորհրդային գեղագիտության և ժամանակակից մոսկովյան շքեղության հետաքրքիր միաձուլում։ 

 «Столовая №57»

ԳՈՒՄ-ի տարածքում գտնվող այս ճաշարանը խորհրդային հին հանրային սննդի մշակույթի յուրահատուկ վերարտադրությունն է։ Պարզ կահավորանք, ցուցանակներ ու անցյալի կենցաղային դետալներ, ստեղծվում է խորհրդային ժամանակաշրջանի քաղաքային ճաշարանի մթնոլորտ։

«Белуга» (Beluga)

Beluga-ն ռուսական կայսերական շքեղության ժամանակակից մեկնաբանությունն է։ Հարուստ դեկորը, բյուրեղապակյա տարրերը, դասական կահավորանքն ու Կրեմլի տեսարանը ստեղծում են բարձրաշխարհիկ և հանդիսավոր մթնոլորտ։ Ի դեպ ռեստորանը հայտնի է իր բրեբդային օղիով։

«Центральный дом литераторов» (ЦДЛ)

Պատմական առանձնատանը տեղակայված այս ռեստորանը հին ռուսական ազնվականական տան շունչ է հիշեցնում։ Փայտյա դեկորը, բարձր առաստաղները, հսկայական ջահերն ու հանդիսավոր սրահները հիշեցնում են այն Մոսկվան, որտեղ գրականությունն ու մշակութային կյանքը քաղաքի կարևորագույն արժեքներից էին։ Այստեղ ազնվականությունն է տիրում։

«Савой» 

1913 թվականից իր պատմությունը շարունակող Savoy-ն հին մոսկովյան հյուրանոցային շքեղության օրինակ է։ Մարմարը, հայելիները, դեկորատիվ առաստաղներն ու դասական կահավորանքը փոխանցում են 20-րդ դարասկզբի էլեգանտության և հանդիսավորության զգացողությունը։

 «Есенин» 

Ցարիցինոյի հենց սկզբնամասում գտնվող այս ռեստորանի ինտերիերը համադրում է ռուսական գրականության խորհրդանիշներն ու ժամանակակից հարմարավետությունը։ Գրադարանային հատվածը, փափուկ կահույքն ու տաք գունային երանգները ստեղծում են հանգիստ, գրական և փոքր-ինչ ռոմանտիկ միջավայր։ 

«Горыныч» 

Ռեստորանը ռուսական հեքիաթների ու ազգային ավանդույթների ժամանակակից մեկնաբանությունն է։ Փայտյա դետալները, վառարանի թեման և բնական նյութերը ստեղծում են յուրահատուկ, փոքր-ինչ հեքիաթային միջավայր, առանց հին ոճի պարզ կրկնօրինակման։ Այստեղ քեզ թվում է Իվանուշկան ուր որ է սլանալու է վառարանով։ 

Մոսկվան սիրում է զարմացնել իր հյուրերին հատկապես իր պատմություն վերարտադրելով։