Որոնք են ծերացող սոցիալական հարթակները. որոնք են փոխարինելու ֆեյսբուքին ու ինստագրամին

Սոցիալական մեդիայի աշխարհում սերնդափոխություն է տեղի ունենում ու դա արդեն անվիճելի փաստ է։ Facebook-ն ու Instagram-ը դեռևս պահպանում են իրենց մեծ լսարանը, սակայն երիտասարդների ուշադրությունն աստիճանաբար կենտրոնանում է այլ հարթակների վրաև դրա մասին է խոսում վիճակագրությունը։ Թվերը բավական խոսուն են։ Pew Research Center-ի 2026 թվականի տվյալներով 18-29 տարեկանների 95%-ն օգտվում է YouTube-ից, 79%-ը՝ Instagram-ից, 69%-ը՝ Facebook-ից, 65%-ը՝ TikTok-ից, իսկ 56%-ը՝ Snapchat-ից։

YouGov-ի տվյալներով ամենօրյա օգտագործման ցուցանիշներով առաջատար են YouTube-ը՝ 62%, Instagram-ը՝ 56%, TikTok-ը՝ 41%, Snapchat-ը՝ 28%։

TikTok-ը իր կարճ տեսանյութերով արագ մեծացնում է իր լսարանը, YouTube-ը ձևավորում է գովազդային նոր արշավներ և ազդում գնումների որոշումների վրա, Snapchat-ը պահպանում է անմիջական կապը երիտասարդների հետ, իսկ Reddit-ը դառնում է կարծիքների և սպառողական քննարկումների կարևոր միջավայր(ի դեպ վերջինս ամենաքիչ ներգրավվածությունը ունի հայ օգտատերերի կողմից)։

Փոխվում են սոցիալական ցանցերի պահանջները և փոխվում են սպասելիքները։Վաճառքի հարթակները վերանայելու անհրաժեշտություն է նաև առաջ գալիս։Այսօր երիտասարդի ուշադրությունը գրավող բրենդը վաղը կարող է դառնալ նրա նախընտրած ապրանքը։ Հետևաբար բիզնեսները չպետք է իրենց մարքեթինգային ռազմավարությունը սահմանափակեն միայն Facebook-ով և Instagram-ով։

Անգամ լրատվական դաշտը սկսել է իր այլընտրանքային տարբերակ դիտարկել tik-tok-ը։ Չհաշված, որ բոլոր երկրների ղեկավարները սկսել են իրենց օգտահաշիվն ունենալ այնտեղ երիտասարդների սիրտը գրավելու համար։

Արմինե Մելքոնյան