Ողբերգական ավտովթարի զոհերից 3-ը Հնաբերդից էին. 18-ամյա տղան ձմռանը բանակ էր զորակոչվելու

Ինչպես արդեն հայտնել էինք՝ երեկ՝ նոյեմբերի 3-ին, Երևան-Վանաձոր ավտոճանապարհին՝ Ուշիի ոլորաններում, բախվել են Jeep Compass մակնիշի, Opel Zafira մակնիշի, Chevrolet Volt մակնիշի ավտոմեքենաները և կցորդիչով բեռնատարը։ Այս մասին գրում է Aysor.am-ը։

Վթարի հետևանքով 9 զոհ կա։

Զոհերից 3-ը Արագածոտնի մարզի Հնաբերդ գյուղից էին՝ ամուսիններն ու իրենց 18-ամյա որդին։

Լրատվամիջոցը կապ է հաստատել Հնաբերդի վարչական ղեկավար Արմեն Իսրայելյանի հետ։

Նա նշել է, որ ընտանիքը բնակվում էր Երևանում, գյուղում մահացած տղամարդու՝ Վահրամ Ասատրյանի ծնողներն են ապրում։

«Ինքը զինծառայող էր երկար տարիներ՝ հայրենիքին նվիրված, պատերազմին է մասնակցել, աշխատում էր Պաշտպանության նախարարությունում, բարձր պաշտոն ուներ՝ փոխգնդապետ էր»,-ասաց վարչական ղեկավարը։

Վթարի հետևանքով զոհված 18-ամյա տղան էլ օրեր առաջ էր տոնել ծննդյան տարեդարձը, ձմռանը բանակ պիտի զորակոչվեր։

Տան փոքրն էր, ունի երկու քույր, որոնք ամուսնացած են։

«Շատ ցավալի բան է, ամբողջ գյուղը սգում է, շատ լավ ընտանիք էին, գյուղում չէին ապրում, բայց գյուղի հոգսերով մտահոգ էին միշտ»,-պատմել է վարչական ղեկավարը։

Այս թեմայով Հերթական շղթայական ավտովթարը՝ Երևանում․ բшխվել են «Range Rover»-ը, «Mercedes G 500»-ը, «Tesla»-ն ու «Nissan»-ը Ուշիի վթարի հետևանքով մահացել են նշանված երիտասարդ զույգ և 22-ամյա մի ուսանող. նրանք եղել են Ստեփանավան-Երևան տաքսու մեջ Շղթայական ավտովթար՝ Արմավիրում․ բախվել են 2 Volkswagen, Mercedes, Ford Transit ավտոմեքենաներն ու MAN բեռնատարը. կա վիրավnր Ուշիի մոտ տեղի ունեցած վթարից տուժածներից 2-ի վիճակը կայուն ծանր է, 1-ինը՝ միջին ծանրության․ մանրամասներ Երևան-Աշտարակ ճանապարհին տեղի ունեցած վթարից տnւժած երեխաներից մեկն այսօր դուրս է գրվել հիվանդանոցից. ԱՆ