Շաքիի դեպքով կալանավորված ադրբեջանցի զինծառայողը հարցաքննվել է և ցուցմունքներ տվել. Պողոսյան

Շաքիի դեպքով կալանավորված ադրբեջանցի զինծառայողը հարցաքննվել է և ցուցմունքներ տվել՝ ներկայացնելով իր անցած ճանապարհն ու դեպքի հանգամանքները։ Քննությամբ ձեռք բերված փաստերի գնահատմամբ՝ նա սպանելու դիտավորություն չի ունեցել։
Նոյեմբերի 3-ին ԱԺ-ում լրագրողների հետ ճեպազրույցում ասել է Քննչական կոմիտեի նախագահ Արթուր Պողոսյանը։
Պողոսյանը հրաժարվել է հրապարակել ցուցմունքների մանրամասները՝ վկայակոչելով նախաքննական գաղտնիքի պահպանման անհրաժեշտությունը։
«Հարցաքննվել է, ցուցմունք է տվել։ Չեմ կարող բացահայտել հարցաքննության բովանդակությունը։ Բայց կարող եմ մատնանշել, որ ցուցմունքներ տվել է, մատնանշել է վայրը, դեպքը, տեղանքը, ինչպես է եկել՝ ամբողջը մատնանշել է»,- նշել է ՔԿ նախագահը։
Լրագրողի՝ կրակելու պատճառների վերաբերյալ հարցին Պողոսյանն արձագանքել է. «Միայն կարող եմ ասել այսքանը, որ սպանելու դիտավորություն չի ունեցել»։
Նշենք, որ ըստ ՔԿ նախագահի, այդ գնահատականը հիմնված է դեպքի փաստական հանգամանքների վրա։
Նրա ներկայացմամբ՝ ադրբեջանցի զինծառայողին մեղսագրվում են առողջությանը ծանր վնաս պատճառելը, ազատությունից ապօրինի զրկելը, բնակարանի անձեռնմխելիությունը խախտելը, գողությունը և սահմանն ապօրինի հատելը։ Պողոսյանը նաև նշել է, որ նախաքննությունն առաջիկայում կավարտվի։
Հավելենք, որ ՔԿ նախագահի փոխանցմամբ դեպքի վերաբերյալ նոյեմբերի 5-ին ԱԺ-ում նախատեսվում է փակ հանդիպում, որի ընթացքում հնարավոր կլինի համապատասխան ձևաչափով ներկայացնել տեղեկությունները։

Այս թեմայով Նարեկ Կարապետյանը, Իրինա Յոլյանն ու Անուշ Միրզոյանն այցելել են Շաքիում ադրբեջանցու կրակոցից վիրավորված Անի Ավետիսյանին Փորձում են թեման «սվաղել» և խլացնել միջադեպի ձայնը. Աբրահամյան Ոնց կարող եմ քայլել, եթե ոսկոր չկա ոտքիս մեջ․ Շաքիում վիրավորված Անի Ավետիսյանը սպասում է 3-րդ վիրահատությանը ՀՀ ՔԿ-ն քրեական վարույթ չի նախաձեռնել ադրբեջանցու ՀՀ սահմանը հատելու դեպքով Տավուշի մարզում հայտնաբերված ադրբեջանցին վերադարձվել է Ադրբեջանի իրավասու մարմիններին․ ԱԱԾ