Ռուսաստանում վաղվանից խստացվում են ներգաղթյալներին ներկայացվող պահանջները

Նոյեմբերի 3-ից սկսած՝ Ռուսաստանը կրկնապատկում է այն վարչական իրավախախտումների ցանկը , որոնց համար օտարերկրացիները կենթարկվեն արտաքսման։ Այս մասին հաղորդում են ՌԴ ԱԳՆ-ից։
Աղբյուրի փոխանցմամբ, վաղվանից ուժի մեջ կմտնի այս տարվա օգոստոսի 4-ի թիվ 294-FZ դաշնային օրենքը։ Այն փոփոխություններ է մտցնում Վարչական իրավախախտումների մասին օրենսգրքում և խստացնում միգրացիոն ոլորտում խախտումների համար նախատեսված պատժամիջոցները։ Արտաքսման տեսքով պատժամիջոց պարունակող հոդվածների ընդհանուր թիվը կհասնի 45-ի (ներկայումս կա 22):

Դրանց թվում են՝
✓մանր խուլիգանություն
✓հանրային միջոցառումների անցկացման կանոնների խախտում
✓ոստիկանության աշխատակցի օրինական պահանջին չենթարկվելը
✓Ռուսաստանի զինված ուժերի վարկաբեկումը

Ըստ աղբյուրի, թմրամիջոցների անօրինական շրջանառության հետ կապված վարչական իրավախախտումները կներառվեն այն իրավախախտումների ցանկում, որոնց համար արտաքսումը չի կարող փոխարինվել այլ վարչական տույժերով:

Նշենք նաև, որ կբարձրացվեն միգրացիոն իրավախախտումներ կատարած անձանց համար վարչական տուգանքների նվազագույն և առավելագույն սահմանաչափերը:

Այս թեմայով Աննա Հակոբյանը մոբիլիզացրել է բուհերը. «Հրապարակ»