Կենսաթոշակների հետվճարի ծրագրի հնարավոր վերանայումները լինելու են միայն բարձրացման ուղղությամբ. Թորոսյան

Կենսաթոշակների հետվճարի ծրագրի հնարավոր վերանայումները լինելու են միայն բարձրացման ուղղությամբ։ Այս մասին լրագրողների հետ ճեպազրույցում ասել է աշխատանքի և բարեկեցության նախարար Արսեն Թորոսյանը։
Անդրադառնալով ծրագրի հնարավոր դադարեցման վերաբերյալ հարցին`
Թորոսյանը պարզաբանել է, որ ծրագիրը կարգավորող կառավարության որոշումն ունի գործողության ժամկետ, և այժմ շրջանառվում է այն երկարաձգելու նախագիծը։
«Մենք հենց հիմա շրջանառում ենք այդ որոշումը առնվազն երեք տարով երկարացնելու որոշումը։ Այն պարզապես պետք է ունենա ժամկետ։ Եթե երեք տարի հետո որոշենք այնտեղ բաներ փոխել, դա լինելու է միայն բարձրացման ուղղությամբ»,-ասել է Թորոսյանը։
Նախարարի խոսքով՝ քննարկվում են նաև կենսաթոշակների բարձրացման տարբեր մոտեցումներ՝ հիմնական կենսաթոշակի ավելացման և հետվճարի գործիքի կիրառման հարաբերակցության տեսանկյունից։ 
Նշենք, որ իր խոսքի ընթացքում անդրադառնալով ծրագրի շահառուներին՝ Թորոսյանը հայտնեց, որ հետվճարից օգտվողների թիվը հասել է 572 հազար 590-ի, իսկ ստացած հետվճարի միջին չափը կազմում է շուրջ 8200 դրամ։ Նրա խոսքով՝ ծրագրից օգտվողների թիվն ամեն ամիս ավելանում է։

Այս թեմայով Կենսաթոշակառուների անկախիկ գնումների հետվճարի ծրագիրը կարող է երկարաձգվել մինչև 2029 թվականը Առաջարկում ենք տներ փնտրել ոչ միայն Երևանում. չենք կարող ամբողջ Հայաստանը բերել և երևանամերձ հատվածներում տեղավորել. Թորոսյան Սոցփաթեթ այլևս չի տրամադրվի. Կառավարությունը ծրագրի առջև դրված խնդիրը լուծված է համարում (տեսանյութ) Թաղման նպաստները կստանան միայն անապահովները․ նվազագույն կենսաթոշակը 1000 դրամով կբարձրանա. Արսեն Թորոսյան