Չինաստանը և Օմանը ԱՄՆ-ին և Իրանին հրադադարի կոչ են արել

Չինաստանի և Օմանի իշխանությունները կոչ են անում Միացյալ Նահանգներին և Իրանին դադարեցնել ռազմական գործողությունները և հնարավորինս շուտ վերսկսել բանակցությունները։ Այս մասին ՏԱՍՍ-ի  փոխանցմամբ  ասվում է Օմանի սուլթան Հայթհամ բին Թարեք Ալ Սաիդի Չինաստան կատարած այցից և Չինաստանի նախագահ Սի Ցզինպինի հետ նրա բանակցություններից հետո տարածված համատեղ հաղորդագրության մեջ։

«Կողմերը կոչ են անում Միացյալ Նահանգներին և Իրանին հավատարիմ մնալ խաղաղության ուղուն, հասնել լիակատար հրադադարի և հնարավորինս շուտ դադարեցնել ռազմական գործողությունները, վերադառնալ Իսլամաբադում ստորագրված փոխըմբռնման հուշագրի կատարմանը, ինչպես նաև վերսկսել երկխոսությունն ու բանակցությունները և հասնել համապարփակ համաձայնագրի, այդ թվում՝ միջուկային ծրագրի վերաբերյալ», - ասվում է պետությունների ղեկավարների կողմից ստորագրված փաստաթղթում, որը հրապարակել է Չինաստանի արտաքին գործերի նախարարությունը։
Նշենք, որ Օմանի սուլթանը 48 տարվա ընթացքում իր առաջին պետական ​​այցն է կատարել Չինաստան, որը տեղի ունենում նոյեմբերի 1-ից 2-ը։ 

Այս թեմայով Խամենեին լիազորել է Իրանի կառավարությանը երկխոսություն սկսել ԱՄՆ-ի հետ Ադրբեջանը իրանական անօդաչու թռչող սարքեր է չեզոքացրել Իրան-Ադրբեջան սահմանին կրակոցներ են հնչել ԱՄՆ–Իրան կողմերը շարունակում են սպառնալ միմյանց ԱՄՆ-ի նոր ուղերձի տոնն էապես տարբերվում է Վաշինգտոնի նախորդ ուղերձներից. Ռեզայի