Երբ Աննա Հակոբյանի քայլերը հերքում են սեփական մտքերի իսկությունը

Նախ վախենում են իրարից, հետո լրատվական դաշտը դառնում է համերաշխ, և վերջում Աննա Հակոբյանը խոսում է այն ինչը Չինաստանում այդպես էլ չհասկացան ու կիսատ թողեցին առաջին տիկնոջը կրթելու դժվար խնդիրը։

Քաղաքական դաշտում թվում է սպիտակ աղավնու գործառույթ է ստանձնել վարչապետի տիկին Աննա Հակոբյանը։ Եվ երևի աղավնին իրավամբ սպիտակ կլիներ, եթե տապանից առաջինը լուրի հետևից չգնար ագռավը։ 

Սպիտակների և սևերի բաժանման հստակ սահմանագիծ սահմանած Նիկոլ Փաշինյանի կողակիցը անմեղ դեմք է ընդունում բոլոր այն դեպքերում, երբ մարդիկ ինքնությունը պահպանելու համար հիշեցնում են,որ իրենք փշալարերի այն կողմում են, որտեղ կեղծիքն է օրակարգային։ 

Օրինակ օրեր առաջ ՏԻՄ ընտրությունների ժամանակ «խաղաղության աղավնին» հորդորում էր չվախենալ և չվերցնել ընտրակաշառք։ Հակասական է չէ՞ միտքը։ 

Սովորաբար ընտրակաշառք վերցնողը վախենում է չբռնվելուց, բայց ոչ վերցնելուց։ Բայց քանի որ վերջինս սիրում է բարեպաշտ իր դիմակի տակ հրահրել, կամ մեղադրական նոտա հղել, ապա հարցը դառնում է հասկանալի։ 

Այսօր էլ նույն «բարի» կերպարը նեղվել է լրագրողական համերաշխությունից, որ վերջիններս լուսաբանում են նույն համաձայնեցված թեմաները. հավանաբար «Աշուն է ,անձրև» թեման լուսանցքից դուրս մնալուց նեղված է եկել այս եզրահանգման։ 

Եվ երբ վերջինս խորհուրդ է տալիս, թե տվյալ նյութը գրելուց ինչ նպատակ է հետապնդում լրագրողը ,առաջ է գալիս ևս մեկ հարց` իսկ ի՞նչ նպատակ է հետապնդում Աննա Հակոբյանի տվյալ ելույթը ։

Իսկ երբ բախվում ենք իրականությանը, հրապարակ է մտնում զավեշտը, որտեղ իշխանության ոչ մի ներկայացուցիչ հարցազրույց չի տալիս ընդդիմադիր լրատվական կայքերին, քանզի ներքին հրահանգ կա, հանկարծ հարցազրույց չտալ և ջրի երես չհանել սեփական տգիտությունը։ 

Միօրինակ թեմաներից դուրս կարող է արդյո՞ք Աննա Հակոբյանը հիշել գոնե մեկ թիմակցի, ով սեփական միտք է կարողացել արտահայտել։ 

Ի դեպ, այսօր ևս ինչպես միշտ Աննա Հակոբյանը իր գրառման մեկնաբանությունների բաժնից հեռացրեց ոչ միօրինակ մեկնաբանությունները և դաշտը թողեց իր իսկ խոսքերի կենդանի հերքմանը։

Արմինե Մելքոնյան