Թայվանի հյուսիսարևելյան ափերի մոտ 5,6 մագնիտուդով երկրաշարժ է գրանցվել

Թայվանի հյուսիսարևելյան ափերի մոտ 5,6 մագնիտուդով երկրաշարժ է գրանցվել։ Այս մասին հայտնում են կղզու Կենտրոնական օդերևութաբանական վարչությունը։ 
Աղբյուրի փոխանցմամբ,  այս պահին ավերածությունների կամ տուժածների մասին տեղեկություններ չկան։ Երկրաշարժի էպիկենտրոնը եղել է ծովում՝ Իլան քաղաքի արևելքից 39,4 կմ հեռավորության վրա։ Ըստ աղբյուրի, ամենաուժեղ ցնցումները զգացվել են Իլան և Հուալյան շրջանների մի քանի բնակավայրերում։ 
 Հավելենք, որ վերջին օրերին Թայվանի արևելյան ափերի մոտ սա առաջին երկրաշարժը չէ։ Հոկտեմբերի 24-ի գիշերը նույն շրջանում՝ 10 րոպե տարբերությամբ, երկու երկրաշարժ էր գրանցվել՝ 5,0 և 4,8 մագնիտուդով։ CWA-ի տվյալներով՝ դրանց էպիկենտրոնները եղել են ծովում՝ Հուալյան քաղաքից համապատասխանաբար 31,2 և 30,4 կմ դեպի արևելք։ Այդ երկրաշարժերի հետևանքով ևս ավերածությունների կամ տուժածների մասին տեղեկություններ չէին հաղորդվել։

Այս թեմայով Երկրաշարժ Ջերմուկ քաղաքից 15 կմ հյուսիս-արևելք Ուժգին երկրաշարժ Չինաստանում. կան զոհեր և վիրավորներ Ատլանտյան օվկիանոսի կենտրոնական հատվածում 6.9 մագնիտուդ ուժգնությամբ երկրաշարժ է գրանցվել