Բուլղարիայում անցկացվում է նախագահական ընտրությունների երկրորդ փուլը

Այսօր Բուլղարիայում անցկացվում է նախագահական ընտրությունների երկրորդ փուլը։ Երկրի ընտրատեղամասերը բացվել են տեղական ժամանակով 07:00-ին և կաշխատեն մինչև 20:00-ը։ Նախագահի պաշտոնի համար պայքարում են գործող նախագահ Իլիանա Յոտովան և նախկին վարչապետ Անդրեյ Գյուրովը։ Ֆրանսիական AFP գործակալության փոխանցմամբ՝ նախկին լրագրող Յոտովան, ինչպես նաև Բուլղարիայի նախկին նախագահ Ռումեն Ռադևը, հանդես են գալիս Ռուսաստանի հետ բարեկամական հարաբերությունների պահպանման օգտին։ Իսկ Գյուրովը ներկայացնում է արևմտամետ քաղաքական դիրքորոշում։ Բուլղարիայի նախագահն ընտրվում է հինգ տարի ժամկետով և չի կարող պաշտոնավարել ավելի քան երկու ժամկետ։
Հիշեցնենք, որ երկրում ընտրությունների առաջին փուլը կայացել էր մեկ շաբաթ առաջ, սակայն թեկնածուներից ոչ մեկը չէր ստացել հաղթանակի համար անհրաժեշտ ձայների մեծամասնությունը։ Թեկնածուներից Իլիանա Յոտովան հավաքել էր ձայների 34,76 տոկոսը, իսկ Անդրեյ Գյուրովը՝ 31,95 տոկոսը։ Առաջին փուլի ընտրություններին մասնակցությունը ռեկորդային ցածր է եղել` 23 տոկոսից պակաս։ 
Հավելենք, որ երկրի նախագահի պաշտոնի համար պայքարում էր ընդհանուր առմամբ 27 թեկնածու։

Այս թեմայով Իլիանա Յոտովան հաղթում է Բուլղարիայի նախագահական ընտրություններում Ֆլավիու Բոլսոնարուն կարող է մնալ Միացյալ Նահանգներում այնքան ժամանակ, որքան ցանկանում է. Թրամփ Հռոմի Լևոն XIV Պապը փոստով քվեաթերթիկ է ուղարկել Չիկագոյից ԱՄՆ միջանկյալ ընտրությունների համար Հայտնի է Իսրայելում խորհրդարանական ընտրությունների հաղթողը Այս ընտրությունների արդյունքները ևս մեկ անգամ փաստեցին` ՔՊ-ն դարձել է ՀՀ-ում ժողովրդավարությունը թաղող ուժ․ «Ուժեղ Հայաստան»