Գրեթե հազար ծանր բեռնատար սպասում է Վերին Լարսով անցնելուն

Հյուսիսային Օսիայի ղեկավար Սերգեյ Մենյայլոնը հայտնել է, որ գրեթե հազար ծանր բեռնատար սպասում է Ռուսաստանից ռազմավիրական ճանապարհով՝ Ռուսաստանի հետ ընդհանուր սահման չունեցող Հայաստանի համար կարևորագույն տարանցիկ երթուղիներից մեկով, Վրաստան մեկնելուն։
Իր Telegram-ում նա տեղեկացրել է, որ  անցման էլեկտրոնային հերթում 509 բեռնատար կա, ևս 436-ը սպասում է կայանատեղիներում։Միաժամանակ ռազմավիրական ճանապարհը և Անդրկովկասյան ավտոմայրուղին բաց են երթևեկության համար։

Նշենք, որ ռազմավիրական ճանապարհը Գլխավոր Կովկասյան լեռնաշղթայի վրայով կապում է Վլադիկավկազն ու Թբիլիսին։ «Վերին Լարս» անցակետը ռուս-վրացական սահմանին գործող միակ ավտոմոբիլային անցակետն է։
Հավելենք, որ։ Հայաստանի համար այս երթուղին առանձնահատուկ նշանակություն ունի, քանի որ  Վրաստանի տարածքով իրականացվում են Հայաստանի և Ռուսաստանի միջև ավտոմոբիլային բեռնափոխադրումների զգալի ծավալներ, այդ թվում՝ բիզնեսի համար ապրանքների և արտադրանքի մատակարարումներ։

Այս թեմայով Հնդկաստանում բեռնատարը մխրճվել է մարդկանց մեջ Ռուսական կողմը նմուշառում է իրականացնում կոնյակից․ վարորդները շուրջ մեկ ամիս է՝ Լարսում են․ News.am Վրաստանում դեպի Վերին Լարսի անցակետ տանող ճանապարհին կառուցվում է կամարակապ կամուրջ