Ուշիի վթարի հետևանքով մահացել են նշանված երիտասարդ զույգ և 22-ամյա մի ուսանող. նրանք եղել են Ստեփանավան-Երևան տաքսու մեջ

NEWS.am-ին հաջողվել է պարզել երեկ Ուշիի ոլորաններում տեղի ունեցած ողբերգական վթարի հետեւանքով մահացած եւս 3 անձի ինքնությունը։

Կայքի տեղեկություններով` վթարի հետեւանքով մահացել է Լոռու մարզի Լեռնահովիտ համայնքի բնակիչ Էրիկ Մխոյանը, որը 22 տարեկան էր, ուսանող, գյուղից Երեւան էր գնում։

Վթարի հետեւանքով մահացած 26-ամյա Նարինե Բարսեղյանը Տաշիրից էր, նշանածի հետ Երեւան էին գնում։ Նշանածը Երեւանից էր։

Երեքն էլ եղել են Ստեփանավան- Երեւան տաքսու մեջ։ Վարորդի ինքնությունը հայտնի չէ։

Հիշեցնենք, որ նոյեմբերի 3-ին երեկոյան Ուշիի ոլորաններում բախվել են «Jeep Compass»-ը, «Chevrolet Volt»-ը, «Opel Zafira»-ն և կցորդիչով բեռնատարը։ Վթարի հետեւանքով զոհվել է 9 մարդ, ևս երեքը վիրավոր են։

Տուժածներից մեկի առողջական վիճակը գնահատվում է ծայրահեղ ծանր, գտնվում է վերակենդանացման բաժանմունքում, մյուսին գիշերը վիրահատել են, երրորդ տուժածն անցնում է անհրաժեշտ հետազոտությունները, առողջական վիճակը միջին ծանրության է:

Զոհվածների անունները դեռեւս չի հաղորդվում։

Փրկարարները հատուկ տեխնիկայի միջոցով հանել են դիերը վթարված ավտոմեքենաներից, ինչպես նաև ավտոմեքենաները հեռացրել են ավտոճանապարհից։

NEWS.am-ի թղթակիցը դեպքի վայրում պարզել էր, որ մահացածներից երեքը ամուսիններ էին և նրանց 18–ամյա որդին։

Վթարի մասնակից 4 մեքենաներից մեկը՝ բեռնատարը ռուսական համարանիշներով է եղել։

Այս թեմայով Շղթայական ավտովթար՝ Արմավիրում․ բախվել են 2 Volkswagen, Mercedes, Ford Transit ավտոմեքենաներն ու MAN բեռնատարը. կա վիրավnր Ուշիի մոտ տեղի ունեցած վթարից տուժածներից 2-ի վիճակը կայուն ծանր է, 1-ինը՝ միջին ծանրության․ մանրամասներ Երևան-Աշտարակ ճանապարհին տեղի ունեցած վթարից տnւժած երեխաներից մեկն այսօր դուրս է գրվել հիվանդանոցից. ԱՆ Հելոուին տոնակատարության ընթացքում ԱՄՆ-ում հրաձգության հետևանքով կան զոհեր և վիրավորներ Վանաձորում բախվել են բուժառու տեղափոխող շտապօգնության ավտոմեքենան ու բեռնատար. բուժառուն մահացել է