«Ուժեղ Հայաստանի» հետ շանտաժի լեզվով և ճնշումներով հարաբերվելը որևէ արդյունք չի տալու. Վարդևանյան

Այսօր լրագրողների հետ զրույցում ԱԺ փոխնախագահ Արամ Վարդևանյանն ասաց, որ օտարերկրյա պարտադրանքի պայմաններում ընդդիմության վրա ճնշում են գործադրում, որպեսզի դրական դիրքորոշում ստանան, որը, սակայն, չեն ստանալու. «Իշխանությունները վաղուց պետք է հասկանային, որ «Ուժեղ Հայաստանի» հետ շանտաժի լեզվով և ճնշումներով հարաբերվելը որևէ արդյունք չի տալու»,- իր խոսքում նշեց Վարդևանյանը։

Նա նկատեց, որ Սամվել Կարապետյանին կալանավորեցին սահմանադրական փոփոխություններին աջակցելու հարցում մերժում ստանալուց հետո, մինչդեռ կալանավորումը տեղի ունեցավ մի գործի շրջանակում, որը հարուցվել էր ամիսներ առաջ։
«Ամեն ինչ այնքան պարզ է։ Իսկ տնային կալանքը բանտային կալանքով փոխարինելը նույնպես որևէ իրավական նպատակ չի հետապնդում։ Տնտեսական բնույթի հանցանքների ու մեղադրանքների դեպքում գործի խոչընդոտման ռիսկը չի կարող իրատեսական լինել, երբ անձը նաև այսքան ժամանակ ապացուցել է իր պատշաճ վարքագիծը։ Սա Ալիևյան Սահմանադրության օրակարգի մերժման հետևանք է»,- հավելեց նա։ Անդրադառնալով ընդդիմության միասնական ճակատի ձևավորմանը՝  Վարդևանյանն ասաց, որ այդ ուժերը մի կողմ են դրել իրենց տարակարծությունները, որովհետև օրահասական իրավիճակում ենք։

«Մեր ինքնության, անկախության, պետականության հիմքերի պահպանման հարց ունենք։ Եթե մի պետություն, որը դեռ մեզ համարում է թշնամի, անկեղծ չի մտնում խաղաղության օրակարգի մեջ, որովհետև եթե մտած լիներ, խաղաղության նախաստորագրված փաստաթուղթը կստորագրեր, փոխարենը որոշել են ներխուժել մեր պետության ներքին գործերին և Սահմանադրության փոփոխության հարց են դրել, այն էլ՝ ոչ թե դասական փոփոխության, այլ նոր Սահմանադրության ընդունման, այսքանից հետո ինչի՞ մասին է խոսքը»,- մասնավորապես նշեց Վարդևանյանը։

Այս թեմայով Սամվել Կարապետյանի մեղադրանքը մեկն է՝ Հայաստանում հակառակորդի սահմանադրությանը դեմ գնալ․ Նարեկ Կարապետյան Պաշտպանության նախկին նախարար Արշակ Կարապետյանին հրավիրել են ՀՀ գլխավոր դատախազություն Սամվել Կարապետյանը մեկ ամսով կալանավորվեց «Ո՛Չ» ենք ասելու Ալիևի Սահմանադրությանը և «ԱՅՈ՛» Հայաստանի անկախության պահպանմանը». «Ուժեղ Հայաստան» Հանրային աջակցություն չկա, մնում են ռեպրեսիաները. «Փաստ»