Իրանի փոխնախագահը մեծարել է իրանահայ ականավոր արվեստագետ Լորիս Ճգնավորյանին

Նոյեմբերի 9-ին Երևանի Կապույտ մզկիթում, Ֆիրդուսու «Շահնամե»-ի հայերեն թարգմանության շնորհանդեսի շրջանակում, Իրանի փոխնախագահ Սեյյեդ Համիդ Փուրմոհամադին 
 հանդիպել է իրանահայ անվանի կոմպոզիտոր և դիրիժոր Լորիս Ճգնավորյանի հետ։ Նա բարձր էգնահատել նրա ողջ կյանքի ընթացքում ծավալած արժեքավոր գործունեությունն ու արվեստի բնագավառում ստեղծած նշանակալի գործերը։ Այս մասին հաղորդում են Հայաստանում Իրանի դեսպանությունից։
Աղբյուրի փոխանցմամբ, հանդիպման ընթացքում Փուրմոհամադին, երախտագիտություն հայտնելով Ճգնավորյանին երաժշտության ոլորտում նրա թողած անգնահատելի ավանդի համար, ընդգծել է արվեստագետի կարևոր դերը Իրանի մշակույթի և գրականության հանրահռչակման, ինչպես նաև Իրանի և Հայաստանի ժողովուրդների միջև մշակութային կապերի ամրապնդման գործում։
Անդրադառնալով Ճգնավորյանի հեղինակած «Ռոստամ և Սոհրաբ» օպերային՝ նա ընդգծել է Ֆիրդուսու «Շահնամե»-ի ստեղծագործական մեծ ներուժը՝ անմահ երաժշտական և բեմական երկերի ստեղծման գործում։
Նշենք, որ Ճգնավորյանը, խոսելով մանկուց «Շահնամե» -ի և Ֆիրդուսու էպիկական պատմությունների հանդեպ ունեցած իր խորը սիրո մասին, անդրադարձել է այս գրական ժառանգության ազդեցությանը սեփական ստեղծագործական ուղու ձևավորման վրա՝ ընդգծելով Իրանի և Հայաստանի միջև մշակութային ու գեղարվեստական համագործակցության ընդլայնման կարևորությունը։ Նա նաև Իրանի և Հայաստանի ժողովուրդներին բնորոշել է որպես մեկ միասնական և անբաժանելի հոգի՝ նշելով, որ քաղաքական սահմանները չեն կարող բաժանել նրանց։
Միջոցառման ընթացքում ականավոր արվեստագետին նվիրել են Ֆիրդուսու «Շահնամե»-ի  շքեղ, բացառիկ հրատարակություններից մեկը։ Իսկ Իրանի մշակույթի և իսլամական առաջնորդության նախարարության գեղարվեստական հարցերով փոխնախարար Մեհդի Շաֆիին նրան է հանձնել նախարարի շներհալագիրը՝ ի նշան երաժշտության ոլորտում երկարամյա արժեքավոր գործունեության և նշանակալի ծառայությունների գնահատանքի։

Այս թեմայով Թուրքիան ավարտել է Հայաստանի հետ սահմանային անցակետերի բացման նախապատրաստական ​​աշխատանքները. Ուրալօղլու Բանտում հերթական ընդդիմադիր գործչի մաhվան պատախանատվությունը կրում է այն մարդը, ում պատվերով 100-ավոր մարդկանց անհիմն վարկաբեկում ու կալանավորում են. «Ուժեղ Հայաստան» Ուսանողները ևս կներգրավվեն Հայաստանի և Ռուսաստանի հարաբերությունների ընդլայնմանը. մեկնարկել է խոշոր մեդիաֆորում Հայաստանն ու Էստոնիան կարևորել են Երևանում և Տալլինում մշտական դիվանագիտական ներկայության ընդլայնումը Ղալիբաֆը մեղադրում է Իսրայելին ԱՄՆ-ին Իրանի հետ անվերջ պատերազմի մեջ ներքաշելու փորձի մեջ