Երաշտները նվազեցնում են սպիտակ տրյուֆելի բերքը Իտալիայում և Խորվաթիայում

«Հիդրոօդերևութաբանության և մոնիթորինգի կենտրոն» ՊՈԱԿ -ի տնօրեն Լևոն Ազիզյանը Ֆեյսբուքյան իր էջում գրել է.

«Երաշտները նվազեցնում են սպիտակ տրյուֆելի բերքը Իտալիայում և Խորվաթիայում

Շոգ ամառները, երաշտներն ու տեղումների անկանոն բաշխումը վատթարացնում են սպիտակ տրյուֆելի՝ աշխարհի ամենաթանկ ուտելի սնկերից մեկի աճի պայմանները։ Իտալիայի և Խորվաթիայի սունկ հավաքողներն ու հետազոտողները հայտնում են, որ բերքը նվազում է, սնկերը մանրանում են, իսկ դրանց տարածման արեալներն աստիճանաբար կրճատվում։

Սպիտակ տրյուֆելի աճի համար անհրաժեշտ են խոնավ հող և անտառային զով միկրոկլիմա, որոնք խաթարվում են շոգի ու տեղումների պակասի հետևանքով։ Խորվաթիայում այս տարի հավաքված բերքը սովորականից 30%-ով պակաս է եղել, իսկ Իտալիայի Ալբա քաղաքում պակասուրդը հանգեցրել է գների 20–30% աճի։

Տրյուֆելային անտառները պահպանելու համար գիտնականներն առաջարկում են վերականգնել էկոհամակարգերը, տնկել երաշտադիմացկուն ծառեր և փորձարկել ոռոգման կիրառումը։ Սակայն նորատունկ ծառերը սնկերի հետ փոխշահավետ համակեցության համար հարմար կդառնան միայն տասը կամ ավելի տարի անց»։

Այս թեմայով Կլիմայական ճգնաժամն ավելի ու ավելի արագ է վերածվում մարդկանց առողջությանը սպառնացող վտանգի Իսրայելը և, ըստ էության, ամբողջ Մերձավոր Արևելքն այսօր գոյություն չէր ունենա, եթե ես թույլ տայի Իրանին միջուկային զենք ձեռք բերել․ Թրամփ Առանց արհեստական ձյան լեռնադահուկային հանգստավայրերը չեն կարողանա գործել. Ազիզյան Կեցցե՛ Փաշինյանի «ժողովրդավարությունը»․ բանտերը լցվում են ֆեյսբուքյան քննադատներով․ Հարութ Սասունյան Կեղծ օգտահաշիվներով փորձում են ՊՆ-ի էջերում արհեստական օրակարգեր ձևավորել. ՊՆ