ՀՀ-ում ԱՄՆ դեսպանատունը հայտարարում է․ Հայաստանի դպրոցականները կարող են մեկ տարի անվճար սովորել ԱՄՆ-ում․ ովքեր կարող են դիմել

Հայաստանի դպրոցականները կարող են դիմել «Ապագա առաջնորդների՝ FLEX» փոխանակման ծրագրին, որի շրջանակում հնարավորություն կունենան մեկ տարի սովորել ԱՄՆ-ի ավագ դպրոցում։

2027-2028 ուսումնական տարվա համար հայտերի ընդունման վերջնաժամկետը հոկտեմբերի 22-ն է։ Այս մասին հայտնում են  ՀՀ-ում ԱՄՆ դեսպանատնից:

Ծրագրին կարող են դիմել Հայաստանի այն դպրոցականները, որոնք ծնվել են 2009 թվականի հուլիսի 15-ից մինչև 2011 թվականի դեկտեմբերի 31-ն ընկած ժամանակահատվածում և սովորում են 9-11-րդ դասարաններում կամ քոլեջի 1-3-րդ կուրսերում։

Քոլեջի ավարտական կուրսի ուսանողները չեն կարող մասնակցել ծրագրին։

FLEX-ը ամբողջությամբ ֆինանսավորվող փոխանակման ծրագիր է, որը մասնակիցներին հնարավորություն է տալիս սովորելու ամերիկյան ավագ դպրոցում, ծանոթանալու ԱՄՆ-ի մշակույթին և ձեռք բերելու նոր ընկերներ։

Դիմելու և մասնակցության պահանջներին ծանոթանալու համար անհրաժեշտ է այցելել ծրագրի պաշտոնական կայք՝ https://ais.americancouncils.org/flexglobal։

Հարցերի դեպքում կարելի է գրել [email protected] էլեկտրոնային հասցեին։

Այս թեմայով ԱՄՆ դեպանատունը բացահայտում և չեղարկում է «ծննդաբերական զբոսաշրջության» նպատակով վիզաները. հայտարարություն Թուրքիայում Ադրբեջանի դեսպանատան մոտ բողոքի ակցիա է անցկացվել Ադրբեջանում հիջաբի արգելքի դեմ Հայաստանի դեսպանությունն ու հյուպատոսությունները Ռուսաստանում ժամանակավորապես կդադարեցնեն անձնագրերի տրամադրումը