Ռուսաստանի նախագահ Վլադիմիր Պուտինը Իլոն Մասկին անվանել է «հանճարեղ մարդ»

Հոկտեմբերի 28-ին, Ռուսաստան-Աֆրիկա գագաթնաժողովի շրջանակում կազմակերպված ցուցահանդես այցելության ժամանակ, Ռուսաստանի նախագահ Վլադիմիր Պուտինը Իլոն Մասկին անվանել է «հանճարեղ մարդ» և հայտարարել, որ ռուսական կողմը «սերտ շփման» մեջ է SpaceX-ի հիմնադրի հետ: Ըստ Պուտինի, փոխգործակցությունը կապված է ուղեծրում արբանյակների աշխատանքը համակարգելու անհրաժեշտության հետ: Զրույցի ընթացքում Թվային զարգացման նախարար Մակսուտ Շադաևը Պուտինին հայտնել է, որ SpaceX-ն ուղեծրում ունի կապի ավելի քան հինգ հազար արբանյակ: Ռուսաստանի նախագահը պատասխանել է, որ Ռուսաստանը նմանատիպ խմբավորումների զարգացման գործում դեռևս անում է իր առաջին քայլերը:
«Մենք սերտ շփման մեջ ենք մեր ամերիկացի գործընկերների, այդ թվում՝ պարոն Մասկի հետ, քանի որ ուղեծրերում շատ կարևոր է չխանգարել միմյանց, պահպանել որոշակի կարգապահություն ու կարգուկանոն»,-իր խոսքում մասնավորապես ասել է Պուտինը:

Այս թեմայով Սպիտակ տունը սողում է Վլադիմիր Պուտինի առջև և դավաճանnւմ ուկրաինացիներին. Օբամա Պատժամիջոցներն օգտագործվում են որպես անարդար մրցակցության գործիք. Պուտին Ադրբեջանը բազմաթիվ ուղղություններով կայուն և հուսալի գործընկեր է Մոսկվայի համար. Պուտին Եվրոպան էներգետիկայի ոլորտում առկա բարդությունների պատճառով մոռացել է «կանաչ օրակարգի» մասին. Պուտին ՆԱՏՕ-ի զորքերը դուրս կբերվեն Լեհաստանից, Էստոնիայից, Լատվիայից, Լիտվայից և Ֆինլանդիայից Պուտինի պահանջով. The Telegraph